Punto de Vistak 60 pelikula proiektatuko ditu hemeretzigarren edizioan
Punto de Vista Zinema Dokumentalaren Nafarroako Nazioarteko Jaialdiaren hemeretzigarren edizioa otsailaren 24tik martxoaren 1era egingo dute, Iruñean, eta 60 pelikula proiektatuko dituzte, zortzi espaziotan.
Manuel Asin jaialdiaren zuzendari artistikoak karguan egingo duen azken edizioaren atarian azpimarratu duenez, Punto de Vista "berebiziko hitzordua izango da ostera ere zinema dokumentalaren panoramako ale kritiko eta berritzaileenetako batzuk aurkitzeko".
Punto de Vistak 70 emanaldi programatu ditu guztira zortzi espaziotan: Baluarte, Golem zinema aretoak, Oteiza Museoa, Civivox Condestable, Civivox Mendillori, Ziutadela, Nafarroako Filmoteka eta Txintxarri taberna.
Saioetako sarrerak 3 euroan egongo dira salgai, eta batzuk doakoak izango dira.
Sail Ofizialerako, 17 pelikula aukeratu dituzte, hamar film luze eta zazpi film labur, eta bost sari emango dituzte: pelikula onenaren Punto de Vista sari nagusia, zuzendari onenaren Jean Vigo saria, film labur onenaren saria, EITBk babestua, pelikula onenaren publikoaren saria eta pelikula onenaren gazteriaren saria. Gainera, nazioarteko epaimahaiak bi aipamen berezi egin ahalko ditu.
Cambium dago film horien artean, Marina Lameiro eta Maddi Barber nafar zinemagileen lana. Nafarroako Pirinioetako komunitate baten istorioa du kontagai: pinudi bat moztea erabakiko du, antzinako soroak eta larreak berreskuratzeko.
Zinema ez ezik, musika ere badago programan, kontzertuak, DJ saioak eta irratsaioak, besteak beste Olaia Inziarte, Rig3l, Juárez, Edu Errea, Dayanna, Leeharvey eta /Göo! Artisten eskutik.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.