Gene Hackman bihotzeko arazo batengatik hil zen, eta haren emaztea hantabirusak jota, astebete lehenago
Gene Hackman bihotzeko arazo batengatik hil zen, ziurrenik Betsy Arakawa emaztea baino astebete geroago. Azken hori hantabirusak jota hil zen, Mexiko Berriko estatuko agintariek ostiral honetan jakinarazi dutenez.
"Nondik norakoak aztertuta, zentzuzkoena da Arakawa anderea lehenago hil zela ondorioztatzea", adierazi du Heather Jarrel medikuak, Mexiko Berriko auzitegi-medikuen buruak, prentsaurreko batean.
Horren esanetan, litekeena da 95 urteko aktorea otsailaren 18an hil izana, taupada-markagailuaren datuek hori iradokitzen baitute, eta alzheimerrak ere eragin handia izan omen zuen haren heriotzean.
Aktorea "oso osasun egoera txarrean zegoen. Bihotzeko gaitz larria zuen, eta uste dut hori izan zela azkenean heriotza eragin zioena", medikuaren arabera.
Bestalde, agintariek zehaztu dute 63 urteko emaztearen bizitzaren azken arrastoa otsailaren 11n izan zela, farmazia baten zaintza kamerek grabatu zutenekoa. Ordutik aurrera, ez zen posta elektronikoz gehiago komunikatu.
Jarrellek azaldu duenez, hantabirusa karraskarien gorotzetik kutsatzen den gaixotasuna da, eta gripearen antzeko sintomak sor ditzake.
Otsailaren 26an aurkitu zituzten bien gorpuak, bigarren heriotza izan eta zortzi egunera.
Arakawaren gorputik gertu hilda aurkitu zuten txakurrari dagokionez, Erin Phipps Mexiko Berriko Osasun Publikoko albaitariak esan du animalia horiek ezin dutela hantabirusa hartu, eta ez du baztertu goseak hil izana.
Zure interesekoa izan daiteke
?fmt=png-alpha&qlt=80)
Zinebi jaialdiak Pablo Berger eta Esther Garcia sarituko ditu
Bilboko Dokumentalen eta Film Laburren Nazioarteko Jaialdiaren 67. edizioa azaroaren 21ean abiatu, eta hilaren 28an itxiko dute, amaiera-gala eta sari-banaketa eginda.
Javier Gurrutxagak ohorezko Serantes saria jaso du Santurtziko Zinemaldian
Javier Gurrutxaga showman donostiarrak jaso du Santurtziko Zinemaldiko ohorezko Serantes saria. Bestalde, "Tragedium" eta "Erreka zoko hortan" film laburrek irabazi dute EITBren Euskal Pantailak saria.
Koldo Almandoz “Azken agurra” komedia filmatzen hasi da
Donostiar zinemagilearen hurrengo filmak “ironiaz, samurtasunez eta zentzu humanista sakonez” begiratzen die bizitzari eta heriotzari.
“Gaua”, urkijotarrentzat
Paul Urkijo arabar zinemagileak bere hirugarren film luzea estreinatu du, “Gaua”, irudi txundigarriz generoko filmen osagaiak eta euskal mitologiaren kondairak sendotzen dituen pelikula.
“Argi gorriak” seriea azaroaren 7an estreinatuko dute, Bartzelonako Serielizados jaialdian
Itziar Ituño protagonista duen “komedia garratzak” thriller ukitua du. Jaialdiaren Sail Ofizialean lehiatuko da, 2026an EITBko Primeran plataforman estreinatu aurretik.
Xanti Rodriguez eta Amancay Gaztañaga "Piztiak" seriea filmatzen ari dira
EITBren parte-hartzea duen lana 2026an ikusi ahalko da Primeran plataforman. Yune Nogueiras da Gaztañaga eta Rodriguez zuzentzen ari diren lanaren protagonista.
“Llámame Sinsorga” dokumentala azaroaren 28an estreinatuko dute zinemetan
Marta Gomezek eta Paula Iglesiasek zuzendu dute, eta La Sinsorga Bilboko espazio feministaren sortzeko lnak ditu ardatz.
"Aro berria" filmaren trailerra
Azaroaren 28an iritsiko da zinema aretoetara Irati Gorostidi zuzendariaren lehen film luzea, Donostiako Zinemaldiko New Directors atalean epaimahaiaren aipamen berezia jaso eta gero. EITBren parte-hartzea duen filma ur-kontagailuen fabrika bateko langileen batzarrarekin hasten da: azkenean aurrera egingo ez duen greba bat eztabaidatuko dute. Desengainatuta, inkonformistenek eremu intimoagoetara bideratuko dituzte errotiko transformaziorako dituzten nahiak. Batzuek, fabrika utzi, eta mendietako komunitate isolatu batean integratuko dira, non dozenaka gaztek bilaketa bizia egingo duten, esperientzia katartiko partekatuen medioz.
Zinemakumeak Gara jaialdiak Alauda Ruiz de Azua, Maria Ripoll eta Al Borde Films ekoiztetxea sarituko ditu
Emakumeek zuzendutako filmen jaialdiaren 30. edizioa urriaren 27tik 30era egingo dute, Bilbon. Ruiz de Azuak eta Ripollek Simone de Beauvoir saria jasoko dute, eta Al Borde Filmsek, Bihargi EITB saria.
Zinegileek Moriarti ekoiztetxea saritu dute "Maspalomas" lanagatik
Zinema industriaren barruan zuzendarien kolektiboa ordezkatzeko sortu zen Accion elkarteak Aitor Arregiren eta Jose Mari Goenagaran ekoiztetxea saritu du larunbat honetan Espainiako Zinema Akademian izan den ekitaldian.