“Between goodbyes” dokumentalak irabazi du Zinegoakeko sari nagusia
Zinegoak LGTBIQ+ zinema eta arte eszenikoen Bilboko jaialdiak gaur bukatu den edizioaren palmaresa iragarri du gaur, itxiera galan. Zinegoak Sari Nagusia, EITBk babestua eta 4.000 euroko balioarekin, Between Goodbyes Jota Munen dokumentalak irabazi du, "pertsona adoptatu baten jatorrirako bidaia gogor eta sendagarri bat kontatzeko erabiltzen den trebetasun eta edertasunagatik”, epaimahaiak nabarmendu duenez.
Dokumentalak Mieke izeneko pertsona queer baten historia kontatzen du; Koreako jatorria du, eta Herbeheretako familia batek adoptatu du. Film luze horrek Lesbianismo eta Genero saria ere irabazi du.
Between Goodbyes izan da DOK kategoriako lan irabazlea. FIK fikziozko lanen kategoriari dagokionez, film irabazlea Sabar Bonda Rohan Parashuram Kanawaderen filmarentzat izan da, "Indiako landa eremu ez exotikoan maitasun zaindua, atsegina, idilikoa eta erlaxatua irudikatzeagatik”, epaimahairen hitzetan.
Narratiba berriekin lotutako KRAK sailean, Santiago Posadak zuzendutako Brigitte, Planeta B lana gailendu da, "queer ekologiaren erreferente handia den Brigitte Baptiste zientzialari kolonbiar, ingurumen-lider eta trans ikonoaren profil konplexu eta intimoa eraikitzeagatik".
Publikoaren saria Angel Morales Ballestaren Arrecife film laburrarentzat izan da, eta Epaimahai Gaztearen saria, Amélie Hardyren Hello Stranger filmarentzat.
Epaimahai seniorrak, bestalde, Nuria Vil eta Alba Dominguezen Delincuente film laburra saritu du, eta Euskal Aktoreen Batasuneko epaimahaiak Sandbag Dam-eko Lav Novosel aktoreari eman dio Fikziozko Film Luzeen Interpretazio Protagonista Onenaren saria.
Azkenik, ZiNaizen saria, 1.000 eurokoa eta EITBk babestua, Markel Zoraquiainentzat izan da, Merezco que me quieran lanagatik.
Albiste gehiago zinema
Tabakalerak “Urrearen Kimera” filmaren bertsio zaharberritu bat estreinatuko du
Charles Chaplinen pelikula 4K kalitatean itzuliko da pantaila handira ostegunean, ekainak 26, berorren estreinaren mendeurrena ospatzeko.
Irusoinek Nanni Morettiren film berrian parte hartuko du
"Succederà questa notte" Louis Garrel eta Jasmine Trinca protagonista dituen filmaren zati bat Bruce Springsteenek larunbatean Anoetan emandako kontzertuan filmatu zen. Lantaldea uda ostean Gipuzkoako hiriburura itzuliko da.
Korterrazak aire zabaleko zinema aretoa zabalduko du Gasteizen
Uda osoan, 47 saio egingo ditu film laburren jaialdiak Araba osoan, eta gaurdanik, ekainak 25, hilaren 28ra Gasteizen, Izaskun Arrue Kulturgunean eta Artium museoaren barruko plazan, bilduko du zinema eta musika programazioa.
Richard Linklaterren film berriak irekiko du Nouvelles Vagues Biarrizko jaialdia
Lapurdiko kostaldeko udalerriak sei eguneko jaialdia abiatuko du gaur, eta Linklater bera, Keira Knightley eta Sofia Coppola, hirugarren edizio honetako ohorezko gonbidatua, hartuko ditu, besteak beste.
Zero Chou: "Borrokatzeari utziz gero, baliteke ostera ere ilunpetan murgiltzea"
Hoho Liu taiwandar argazkilaritza zuzendariak Zinegoak LGTBIQ+ zinema eta arte eszenikoen Bilboko jaialdiaren Ohorezko Saria jaso du bart, Zero Chouren izenean.
El Gran Wyoming da Fantasiazko eta Beldurrezko Zinemaren Asteko kartel ofizialeko protagonista
Urriaren 31tik azaroaren 7ra egingo dute Donostiako zinema jaialdiaren 36. edizioa. Espainiar aurkezle, aktore eta musikaria "Eraserhead" David Lynch zenaren lehen filmeko protagonista bihurtu da kartelerako.
Munduaren akabamendua Aragoiko basamortuan
Zeluloidezko ispilatzeetan barna gabiltza "Sirat"en adoratzaileok, burua erdi sano erdi joana dugula. Igual esnatzen garenean, sendatzen garenean, Nafarroako Errege Bardean gaudela deskubrituko dugu .
Zinemagileen "Tabakalera Belaunaldia"ri gorazarre, asteburuan Donostian
Kultura zentroaren 10. urteurrenaren harira, Zinemaldiak, Elías Querejeta Zine Eskolak, Euskadiko Filmategiak eta Tabakalerak osatzen duten ekosistemaren abaroan hazi den zinemagile belaunaldia omenduko dute asteburu honetan.