“La Grazia” Paolo Sorrentinoren film berriak abiatuko du Veneziako zinema jaialdia
Gaur, asteazkenarekin, Werner Herzog alemaniarrak jaialdiaren ohorezko Urrezko Lehoia jasoko du, Francis Ford Coppolaren eskutik. Palmaresean agertzeko lehian, hamaika zuzendari handiren azken lanak: Olivier Assayas, Noah Baumbach, Kathryn Bigelow, Guillermo del Toro, Jim Jarmusch, Pietro Marcello…
Toni Servillo, "La Grazia" Paolo Sorrentinoren film berriko protagonista
Veneziako zinema jaialdiaren alfonbra gorria zabalduta ageri da dagoeneko, asteazkenetik irailaren 6ra arte estreina deigarrienak hartzeko gertu. Lidon, Kanalen Hiriari aurrez aurre begiratzen dion uharte luzangan, gaur hasiko da Mostra, La Grazia Paolo Sorrentinoren filmaren proiekzioarekin. Ohi bezala, Toni Servillo aktorea jarri du napolestarrak bere aginduetara oraingoan ere.
Gainera, asteazkeneko irekiera ekitaldian, Werner Herzog alemaniar zinemagileak ohorezko Urrezko Lehoia jasoko du Francis Ford Coppoloaren eskutik, azken horri bihotzeko ebakuntza egin eta hogei egunera besterik ez. Zinema jaialdiaren ohorezko saria Kim Novak aktoreak ere jasoko du, 82. edizio honetan.
Horiez gain, beste izar askok egingo dute dir-dir Lidon, hala nola Julia Roberts After the hunt Luca Guadagninoren filmeko (lehiaketaz kanpo) protagonistak, George Clooney Jey Kelly Noah Baumbachen filmeko izar nagusiak, Alicia Vikanderrek, Cate Blanchettek, Mia Gothek, Laura Dernek, Emily Bluntek, Willem Dafoek, Adam Driverrek, Christoph Waltzek, Andrew Garfieldek, Sofia Coppolak eta Tilda Swintonek.
Han izango dira, halaber, Jacob Elordik eta Oscar Isaacek osatutako bikotea, monstruoa eta sortzailea Guillermo del Toro mexikarrak eginiko Frankenstein klasikoaren moldaketa berrian, zeina lehian izango baita Italiako zinema jaialdian.
Del Torok puntako aurkariak izango ditu Urrezko Lehoirako eta gainerako sarietarako bidean: Sorrentino bera, Olivier Assayas, Noah Baumbach, Kathryn Bigelow, Jim Jarmusch, Yorgos Lantimos, Pietro Marcello, László Nemes, François Ozon Arrotza Camusen lanaren moldaketa batekin eta Park Chan-Wook, besteak beste.
Lehiatik kanpo ere izen handiak daude; hots, Gudagnino, Julian Schanbel eta Jainko antzerkia Oscar Isaac, Gal Gadot, Gerard Butler, Al Pacino, John Malkovich, Martin Scorsese, Jason Momoa y Benjamin Clementine aktoreein; Gus Van Sant eta Sofia Coppola.
"Venezia, Palestinaren alde"
Mostraren edizio hau Palestinako egoerak ere baldintzatuko du, ia bi urteko Israelen bonbardaketen ondoren.
Italiar zinemako profesional talde batek 'Venice4Palestine' ("Venezia Palestinaren alde") izeneko kolektiboa sortu du, eta Israelek egindako genozidioa salatzeko eskatu dio zinema jaialdiari, gutun ireki batean (sektoreko 1.500 pertsonak baino gehiagok sinatu dute).
Bi izen aipatu dituzte idatzi horietan: Gal Gadot aktore israeldarrarena eta Gerard Butler aktore britainiarrarena, Julian Schnabelen In the hand of Dante filmeko aktore nagusiarena. Israelgo Gobernua babesten duten neurrian, gonbidapena kentzeko eskatu diete antolatzaileei.
Gainera, datorren larunbaterako, Lido zeharkatuko duen manifestazio bat deitu dute, Palestinako sarraskia salatzeko.
Gazako tragedia, gainera, Urrezko Lehoia lortzeko lasterketan sartuko da, The voice of Hind Rajab filmarekin. Bertan, Kaouther Ben Hania zuzendari tunisiarrak Israelen bonbardaketa batean auto batean harrapatuta geratu ondoren hildako neskato bat gogoratzen du.
Zure interesekoa izan daiteke
Mendi Film, Bilboko nazioarteko mendi zinemaldiaren XVIII. edizioa
Euskalduna Jauregia izango da jaialdiaren kanpaleku nagusia eta abenduaren 5etik 14ra 55 film proiektatuko dira, horietatik 12 euskal ekoizpenak. Jaialdiaren irekiera ekitaldian “Entre Juan y Juanito” ikusi ahal izango da, Juanito Oiarzabali buruz Javier Alvarok zuzendu duen filma. Bestalde, iazko Mendi Film bekari esker sortutako Luis Arrietaren filma aurkeztuko da: “Sustraiak”.
Norma Vila "Salitre" izeneko bere lehen film luzea filmatzen ari da, Nagore Aranburu protagonista duela
Egunotan Arrigorriagan Norma Vila zuzendariaren Salitre pelikula filmatzen ari dira, drama intimoa eta thriller psikologikoa uztartzen dituen film luzea. Nagore Aranburu eta Haizea Carneros dira protagonistak.
?fmt=png-alpha&qlt=80)
Zinebik "Llámame sinsorga" dokumentala aurkeztu du
EITBren parte-hartzea duen filma Zinebi film laburren eta dokumentalen Bilboko jaialdian proiektatuko dute, hilaren 28an zinemara iritsi aurretik. Al Borde Flims etxearen filmak La Sinsorga Bilboko espazio feminista eraikitzeko prozesua jasotzen du.
Umorez, musikaz eta Pablo Bergerrentzako Ohorezko Mikeldiaz abiatu da Zinebi
Zinebiren 67. edizioa Arriaga Antzokian hasi da, Bilboko errodajearen gorakadari, musika emanaldiei eta nobedadeen aurkezpenari keinu eginez. Hasierako saioan Euskal Film Laburren Sail Ofiziala proiektatu dute eta Pablo Berger zinemagile bilbotarrari Ohorezko Mikeldia eman diote.
Bost euskal film labur, Zinebiren Sail Ofizialean
Bea Lema, Aitor Gametxo, Ainhoa Ordoñez, Giulia Cosentino, Perla Sardella eta Maren Zubeldia eta Silvina Guglielmottiren azken lanak Bilboko Dokumentalen eta Film Laburren Nazioarteko Jaialdiak lehiatuko dira. Gaur hasi, eta hilaren 28an amaituko da 67. edizioa.
Jende-oste handi batez inguraturik eraikitako basoan
Gero eta luzeagoak dira filmen bukaerako kredituak, gero eta jende-multzo handiagoa baita ezinbesteko pelikula bat osatzeko. Are, Gaua filmean bezala, fantasiaren mugetan aritzen bagara.
“Lurdes Iriondo, ez gera alferrik pasako” dokumentala zinemetatik pasatuko da
Iruñean, Bilbon, Donostian eta Madrilen izango da ikusgai filma estreinaren egunean, azaroaren 14an, eta herriz herri erakutsiko dute gero: Tolosa, Lasarte, Basauri, Aramaio…
Paul Urkijo: "Euskal izaki mitologikoak modu eder eta epikoenean erakutsi nahi nituen"
Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.
Paul Urkijo: “Txikitan jaso nituen gaueko istorio guztien multzo bat da ‘Gaua’”
Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.
“Gaua”n ez galtzeko koordenadak: pelikularen materiala primizian
Paul Urkijoren hirugarren film luzea ostiralean, hilak 14, iritsiko da zinema-aretoetara. Lehenago, Urkijok berak pelikularen gako batzuk eman dizkigu primizian, gauean murgiltzeko mapa modura erabil ditzagun.