“27 noches”ek ireki eta “Winter of the Crow”k itxiko dute Zinemaldiko Sail Ofiziala
Inaugurazio eta amaiera galetarako eta Jennifer Lawrenceri Donostia saria emateko galarako sarrerak bihar jarriko dira salgai, asteartearekin. Inaugurazio gala Silvia Abrilek, Toni Acostak eta Itziar Ituñok aurkeztuko dute, eta itxiera gala, Itsaso Aranak.
Daniel Hendler zinemagile uruguaiarrak zuzendu du "27 noches"
Daniel Hendlerren 27 noches filmak emango dio hasiera (lehian) Sail Ofizialari, eta Kasia Adamiken Winter of the Crow pelikulak, berriz, amaiera (lehiaz kanpo).
Daniel Hendler zinemagile uruguaiarraren 27 noches filmaren mundu-estreinaldiak inauguratuko du, irailaren 19an, Donostia Zinemaldiaren 73. edizioko Sail Ofiziala, lehian, eta Kasia Adamik zuzendari poloniarraren Winter of the Crow pelikulak itxiko du, hilaren 27an, lehiaz kanpo.
Inaugurazio galarako (irailak 19), amaierako galarako (irailak 27) eta Jeniifer Lawrenceri Donostia saria emateko galarako (irailak 26) sarrerak bihar, asteartearekin, jarriko dira salgai. Hiru saioak Kursaalen izango dira, eta inaugurazio galan Esther García ekoizleak Donostia saria jasoko du.
Gainera, amaiera ekitaldia Belodromoan ere ikusi ahalko da, pantaila batean, zuzenean. Horren aurretik, 18:00etan, aurtengo film sorpresa emango da, eta, horren eta amaierako ekitaldiaren emanaldiaren ondoren, Winter of the Crow filma proiektatuko da.
El Terrat ekoiztetxeak idatzi eta zuzenduko ditu Zinemaldiko galak, bigarren urtez jarraian, eta inaugurazio ekitaldia Silvia Abrilek, Toni Acostak eta Itziar Ituñok aurkeztuko dutela aurreratu dute antolatzaileek.
20:30ean hasita, Esther Garcíak Donostia saria jasoko du, eta FIPRESCI Sari Nagusia ere emango da. Epaimahai Ofiziala Daniel Hendlerren 27 noches proiektatu baino lehen aurkeztuko da, gainera. Gala zuzenean ikusi ahalko da ETB1en eta eitb.eus-en.
Bestalde, Jennifer Lawrenceri Donostia Saria emateko ekitaldia irailaren 26an izango da, ostiralarekin, 18:00etan, Kursaalen. ETB4n eta eitb.eus-en zuzenean emango da.
Saio horietarako guztietarako sarrerak bihar (irailaren 2a) jarriko dira salgai, 10:00etatik aurrera. Inaugurazio eta amaiera galetarako txartelek 80 euroko prezioa dute gune orokorretan eta 95 eurokoa, berriz, B. gunean. Bestalde, Donostia Saria emateko ekitaldiarena 50 eurokoa da gune orokorretan eta 55 eurokoa, berriz, B. gunean. Belodromoko saio hirukoitzerako sarrerak, bestalde, 15 euro balio du.
Zure interesekoa izan daiteke
Hind neskatoak Herman “reichsmarschalla” gainditu
Ez dut uste erraturik nagoenik: Palestinak Israel gainditu du kontakizunean.
EITBren parte-hartzea duen Alberto Gastesiren "Singular" thrillerra zinema-aretoetan ikusgai dago
Filma Sitgesen estreinatu zen, eta Patricia Lopez Arnaiz eta Javier Rey ditu protagonista. Dianaren eta Martinen istorioa kontatzen du. Semea hil eta hamabi urtera, bikoteak lakuko bere etxe zaharrean berriz elkartzea erabakitzen du. Hildako semearen antza duen gazte enigmatiko bat etxean agertzen denean, antzinako sekretuak eta susmo berriak argitara ateratzen dira.
“Correct me if I’m wrong” film laburrak irabazi du Zinebiko Sari Nagusia
Hao Zhou txinatar zinemagilearen lan dokumentalak jaso du Bilboko Dokumentalen eta Film Laburren Nazioarteko Jaialdiko epaimahaiaren aintzatespen nagusia. Euskal film labur onenaren saria “Habana industrial” Ainhoa Ordoñezen lanak irabazi du, eta Aitor Gametxoren "Geratzen den hori" filmak Espainiako Film Labur Onenaren Sari Nagusia.
"Los domingos" eta "Maspalomas", Feroz sarietarako film izendapen gehien dituzten filmak
Los domingos, bederatzi izendapenekin, eta Maspalomas, zazpirekin, dira 2026ko Feroz sarietarako izendapen gehien jaso dituzten filmak.
Billy Wilderren 32 film emango ditu Tabakalerak 2026ko zinema programaren barruan
Tabakalerako 2026ko zinema denboraldi berria Donostia Kulturak, Donostiako Zinemaldiak, Euskadiko Filmategiak, Elías Querejeta Zine Eskolak eta Tabakalerak berak diseinatu dute, eta urtarrilaren 8an hasiko da.
Mendi Film, Bilboko nazioarteko mendi zinemaldiaren XVIII. edizioa
Euskalduna Jauregia izango da jaialdiaren kanpaleku nagusia eta abenduaren 5etik 14ra 55 film proiektatuko dira, horietatik 12 euskal ekoizpenak. Jaialdiaren irekiera ekitaldian Entre Juan y Juanito izango da ikusgai, Juanito Oiarzabali buruz Javier Alvarok zuzendu duen filma. Bestalde, iazko Mendi Film bekari esker sortutako Luis Arrietaren filma aurkeztuko da: Sustraiak.
Norma Vila "Salitre" izeneko bere lehen film luzea filmatzen ari da, Nagore Aranburu protagonista duela
Egunotan Arrigorriagan Norma Vila zuzendariaren Salitre pelikula filmatzen ari dira, drama intimoa eta thriller psikologikoa uztartzen dituen film luzea. Nagore Aranburu eta Haizea Carneros dira protagonistak.
?fmt=png-alpha&qlt=80)
Zinebik "Llámame sinsorga" dokumentala aurkeztu du
EITBren parte-hartzea duen filma Zinebi film laburren eta dokumentalen Bilboko jaialdian proiektatuko dute, hilaren 28an zinemara iritsi aurretik. Al Borde Flims etxearen filmak La Sinsorga Bilboko espazio feminista eraikitzeko prozesua jasotzen du.
Umorez, musikaz eta Pablo Bergerrentzako Ohorezko Mikeldiaz abiatu da Zinebi
Zinebiren 67. edizioa Arriaga Antzokian hasi da, Bilboko errodajearen gorakadari, musika emanaldiei eta nobedadeen aurkezpenari keinu eginez. Hasierako saioan Euskal Film Laburren Sail Ofiziala proiektatu dute eta Pablo Berger zinemagile bilbotarrari Ohorezko Mikeldia eman diote.
Bost euskal film labur, Zinebiren Sail Ofizialean
Bea Lema, Aitor Gametxo, Ainhoa Ordoñez, Giulia Cosentino, Perla Sardella eta Maren Zubeldia eta Silvina Guglielmottiren azken lanak Bilboko Dokumentalen eta Film Laburren Nazioarteko Jaialdiak lehiatuko dira. Gaur hasi, eta hilaren 28an amaituko da 67. edizioa.