“Salitre” Nagore Aranburu protagonista duen pelikula filmatzen bukatu dute

Norma Vila bilbotar zinemagileak bere lehen film luzea filmatzen bukatu du, hainbat astez Bilbon, Arrigorriagan, Mungian, Bermeon, Mundakan eta Islan, Kantabrian, jardun eta gero.

EITBren parte-hartzea duen filma thriller piskologikoa da, eta habia hutsaren sindromea eta galeren aurreko beldurra arakatzen ditu “ikuspegi femenino eta garaikide batetik eta mitoiei entzungor”.

Salitre Candela Echeniquek idatzi du, eta Nagore Aranburu protagonistak (Maite) Haizea Caneros du ondoan, Nerea herria utzi, Bartzelonara joan eta Arte ikasketak egin nahi dituen alaba nerabearena egiten. Nerearentzat independentziara urratsa dena mehatxua izango da, baina, Maiterentzat.  

Norma Vilaren proposamenak “ama txarraren” arketipoa hurbildu nahi du, “gutxi agertu delako tradizio zinematografikoan, sarritan erakusten den amatasun idealizatuaren edo klixe errenkada pobrearen aldean”.