Institutuko ikasle ohien festa bat dela-eta, Julenek ikaskide ohi batzuekin egingo du topo berriz 10 urte geroago. Ez du gogorik joateko, baina Melyssarekin —garai hartatik lagun izaten jarraitzen duen bakarrarekin— batera bertaratuko da. Alabaina, ikaskide guztien artean, Ibai da aurkitzea espero ez zuen bakarra, haurtzaroko lagun handia izan zena eta gaur bertan espetxetik atera berri dena. Hain zuzen ere, Ibaik norbait hil zuen duela hamar urte, inori azalpenik eman gabe.