Libiako operazioan parte hartzeko baimena eskatuko du gaur Zapaterok
Jose Luis Rodriguez Zapatero Gobernuko presidenteak Espainiak Libiako nazioarteko operazioan parte hartzeko baimena eskatuko dio Diputatuen Kongresuari; besteak beste, debekupeko aire-eremurako luza daitekeen hilabete bateko operazio bat onartzeko eskatuko du gaur Kongresuan, Ramon Jauregui Presidentziako ministroak jakinarazi duenez.
Halaber, Nazio Batuen Erakundearen 1970 ebazpenari jarraituz, luza daitekeen hiru hilabeteko arma-blokeoa onartzeko eskatuko du.
Eskaera bi horiek Kongresuan "erabateko gehiengoa izatea" espero duela esan du Jaureguik; izan ere, poblazioaren aurkako "bereizi gabeko sarraskia saihesteko" helburua dauka operazio militar horrek.
Ildo horretan, Estatuko ezkerrak Espainiaren parte hartzea kritikatu izana "oso tristea" dela adierazi du; izan ere, "guda ez" ahaztu izana egotzi diote PSOEri.
"Nazioarteko komunitateak lehen aldiz askok eskatzen genuen mailarekin, indarrarekin eta legaltasunarekin erantzun du; izan ere, nazioarteko antolakuntza berriak oinarri demokratikoak ezartzeko nazioz gaindiko aginte baten beharra dauka", azaldu du Presidentziako ministroak.
Jaureguiren hitzetan, NBEren erabakia "historikoa" da giza eskubideak defendatzeko "Indar Armatuen operazio bat abian jartzeko nazioarteko komunitatea ados" jarri duelako.
Ildo horretan, "esku-hartze militarrik ez balego, baliteke Gadafiren tropak Bengazin sartu eta sarraski handia egin izana", esan du.
Hori horrela, Jaureguik azaldu du Gobernuak NBEren eskaerari erantzun diola, onartutako ebazpena betetzeko. Hori dela eta, "Espainiari dagokion protagonismoarekin" parte hartzen ari direla esan du.
Zure interesekoa izan daiteke
Hainbat kazetarik ziurtatu dute fiskalak baino lehenago zutela informazioa: "Ez dit inoiz paperik pasatu"
Fiskal nagusiaren aurkako epaiketaren hirugarren eguna PSOEko Juan Lobato eta Pilar Sanchez Aceraren deklarazioekin hasi da. Biek ala biek adierazi dute epaiketako gaia den mezuaren irudi bat jaso zutela eta ez dakitela nondik etorri zen. Ondoren deklaratu duten kazetariek sekretu profesionalerako eskubideari heldu diote.
Ertzaintzak Ernairen aurka ezarritako isunak baliogabetu edo nabarmen murriztu ditu Gasteizko epaitegi batek
Arrazoia eman diote gazte antolakundeari: Galder Barbado eta Aitor Zelaia gazteen espetxeratzeen aurka 2023an egindako protestak guztiz zilegiak izan ziren zirela esan dio ebazpenak, baimendu gabeko mobilizazioak izan baziren ere.
Lehendakariak erantzun dio Bengoetxeari: "Lehendabizi, Perez Iglesias sailburuarekin biltzea da egokiena"
Bere aldetik, Zientzia, Unibertsitate eta Berrikuntzako sailburua minduta agertu da, EHUko errektoreak lehendakariarekin bilera eskatu duelako, sailburua aintzat hartu gabe. "Ez da lagunak egiteko modurik onena", esan du.
Anduezak salatu du EAJk ez duela PSE-EErekin adostu Madrilera igorritako transferentzien dokumentua
PSE-EEren eta EAJren artean, beste talka bat. Eneko Andueza PSE-EEren idazkari nagusiak esan du transferentzien dokumentua aldebakarrez landu zutela jeltzaleek, EAJren interesak defendatzeko.
EHUk eta Eusko Jaurlaritzak Zientziaren Asteari hasiera eman diote, elkarri eskerrak emanez
Ekitaldia unibertsitate publikoaren finantziazioak eragindako tentsioaren ostean iritsi da, baina bi erakundeek lankidetza eta elkarrekiko errespetua eskatu dute.
Covite: "Euskadin eta Nafarroan dagoen erradikalizazio biolentoa arazo oso larria da"
Consuelo Ordoñez Coviteren presidenteak "beldurgarritzat" jo ditu joan den astean Nafarroako Unibertsitateko campusean izandako istiluak, eta horrelakoen aurrean "zigor administratiboak" jartzea defendatu du.
Kamerek Javier Arenas Senatuko bere eserlekuan zigarro elektronikoa erretzen harrapatu dute, baina berak ukatu egin du
Senatuko kontrol saioan gertatu da, Enrique Ruiz Escudero PPren senatariak Monica Garcia ministroari galdera bat egin dionean. Monica Garcia erantzuten ari zela, Javier Arenasek zigarro elektronikoa atera du poltsikotik, eta "erre" egin du. Ondoan zuen alderdikideak ohartarazi du kameraren planoan agertzen zela.
Peinadok uko egin dio Begoña Gomezen auzia artxibatzeari eta Presidentetzako goi-kargudun bat inputatu du
Judit González Pedraz Gobernuko Presidentzetzaren egungo idazkari nagusia inputatu du epaileak, ondasun publikoak bidegabe erabiltzea egotzita, eta azaroaren 12an deklaratzera deitu du.
Bingen Zupiria: "Batzuek kanpotarrak estigmatizatzeko helburua dute, eta diagnostiko zehatza egin behar da"
Bingen Zupiria Segurtasun sailburua Gasteizen izan da, eta, esan duenez, kezka berezia sortzen diote 2025eko lehen hiruhilekoan homizidioek eta indarkeria matxistako kasu-kopuruak izan duen igoerak. "Aurten, 11 homizidio izan ditugu. Aspaldian ez dugu horrenbeste homizidio izan", adierazi du Zupiriak.
Fiskal Nagusiaren epaiketa "barregarrikeria" dela esan du Patxi Lopezek
Patxi Lopez PSOEk Diputatuen Kongresuan duen bozeramaileak salatu duenez, Auzitegi Gorenean Alvaro Garcia Ortiz Estatuko fiskal nagusiaren aurka egindako epaiketa "barregarrikeria da", eta "egia gailentzea" eta errugabe deklaratzea espero du. Radio Euskadin egindako elkarrizketa batean, Lopezek galdetu du nork eraman duen "Ayusoren bikotekidea (Alberto Gonzalez Amador) egoera horretara", ez badira izan bera eta bere ingurukoak. "Izan ere, bera edo bere abokatua akordio batera iritsi nahian ari ziren iruzur egindakoa Ogasunari itzultzeko eta, hortik abiatuta, inolako zentzurik ez duen ikuskizun moduko bat antolatzen hasi ziren", adierazi du.