Kongresura iritsi da burka eta niqab-a debekatzeko asmoa: PP eta Vox alde daude, baina Juntsek kontra bozkatuko du
Kataluniako alderdiak iragarri du lege proiektu propioa aurkeztuko duela espazio publikoetan belo integrala erabiltzea debekatzeko.
Bi emakume, burkarekin. Argazkia: Europa Press
Espazio publikoan belo integrala (burka eta niqab-a) debekatzeari buruzko eztabaida Diputatuen Kongresura iritsi da. Behe Ganberako Osoko Bilkurak astearte honetan bozkatuko du "espazio publikoan emakumeen duintasuna eta herritarren segurtasuna babesteko" Lege Organikoaren proposamen bat, Voxek aurkezturikoa. PPk dagoeneko iragarri du babestu egingo duela, baina ez du aurrera egingo, ez baitu izango Juntsen babesik.
Kataluniako alderdiak azken orduetan iragarri du lege proposamenaren aurka bozkatuko duela, baina adierazi du lege proiektu propio bat aurkeztuko duela, espazio publikoetan belo integrala debekatzea defendatzeko.
Horrela, Juntsek argi utzi du proposamenaren aurka agertzeak zerikusi handia duela Voxek proposatu izanarekin. Alderdiak adierazi duenez, ez dute inoiz Voxen proposamenik bozkatu Kongresuan. Haien hitzetan, "alderdi politiko antifeminista da, giza eskubideen aurkakoa, eta Kataluniaren aurkako errepresioaren buru izan da".
PPk, ordea, ekimena babestuko duela aurreratu du, eta Carmen Funez PPko Gizarte Politikako idazkariordeak azaldu du "benetako feminismoaren alde" egingo duela bere alderdiak. "Gurea feminismoak ez du burka zein niqab-aren alde egingo gure herrian", adierazi du.
Aurrekariak
Eztabaida astearte honetan iritsi da Legebiltzarrera, Balearretako Parlamentuak otsailaren hasieran PPren legez besteko proposamen bat onartu ostean, Voxen babesarekin. Horretan, Espainiako Gobernuari eskatzen zitzaion debekatzeko Espainiako espazio publikoetan burka eta niqab-a erabiltzea.
Bestalde, Asturiasen, joan den astean, Gijongo Voxek ez zuen lortu “burka eta antzeko jantzien” aurkako ekimen bat aurrera ateraatzea. Iaz ere ez zen aurrera atera Voxen proposamen bat, Murtzian, belo integrala debekatzeko.
Madrilera ere heldu zen Voxen proposamen bat zapi hori debekatzeko, Legez Besteko Proposamen baten bidez. Iazko apirilean izan zen, eta Erkidegoko presidente Isabel Diaz Ayuso proposamenaren kontra agertu zen. Planteamendu hura, baina, ez zen belo integralaz ari, zapi islamikoaz baizik.
2025eko abuztuan, Alberto Nuñez Feijoo PPren burua espazio publikoetan burka eta niqab-a "debekatzearen" alde agertu zen, baina bereizi zituen beloa eta hiyab-a. "Emakumearen duintasunaren eta espazio publikoetako segurtasunaren aurka egiten duen janzkera oro debekatu egin behar da gure herrialdean", adierazi zuen Feijook.
Kataluniako eztabaida eta Junts
Katalunian, iazko maiatzean, Parlamentuak uko egin zion islamiar beloa, burka, hiyab, niqab, burkini, xaila, khimarra eta txadorra debekatzeari. Proposamena Aliança Catalanaren bidez heldu zen Parlamentura, eta PSC-Units, Junts, ERC, Comuns eta CUP debekuaren kontra agertu ziren. PPk eta Voxek, aldiz, abstentzioaren alde egin zuten, eta proposamena ez zen aurrera atera.
Orduan, Juntsek ACren proposamenaren aurka bozkatu zuen, idatzitako testua "gorrotoz betea" zegoela iritzita.
Zure interesekoa izan daiteke
450 kulturgilek baino gehiagok eskatu dute Mugimendu Sozialistari Bilbon eta Gasteizen txosna jartzen uzteko
Bada Garaia ekimenaren baitan, bi hiriburuetan ezarritako debekua altxatzeko galdegin dute dozenaka idazlek, abeslarik, aktorek eta bertsolarik. Bilboko Konpartsei eta Gasteizko Txosna Batzordeari gatazka behingoz konpontzeko deia egin diete artistok.
Cerdanek ukatu du Leire Diezen ustezko sarearen burua dela, eta salatu "kanpaina mediatiko" baten biktima dela
PSOEko Antolakuntza idazkari izandakoaren iritziz, UCOren helburua "pertsonak suntsitzea da, ez delituak ikertzea". Argudiatu duenez, Polizia Judizialak gertakari zehatzak ikertu eta, ondoren, erantzuleak bilatu ordez, "alderantzizko metodologia" erabiltzen du.
Europako Migrazio Itunaren "hutsuneak eta zalantzak" kritikatu dituzte Kanarietako eta Euskadiko gobernuek, indarrean jarri aurretik
Migrazioaren eta Asiloaren Europako Ituna indarrean jartzeko astebete falta denean, "ziurtasun baino zalantza gehiago" daudela deitoratu dute. "Elkartasunak agenda, aurrekontua, gobernantza eta erantzukidetasuna izan behar ditu", azpimarratu du Nerea Melgosak.
Sanchezek dioenez, ez zituen Diezen "ibilerak" babestu, ez zuen haien berri, eta izan balitu ez zituzkeen onartuko
Pedro Sanchezek iragarri duenez, PSOEko talde juridikoa Leire auziari buruzko dokumentazio guztia aztertzen ari da, alderdiaren "ohorea" babesteko ekintza egokiak abiatzeko. "Nire gobernua gobernu garbia da, nire alderdia alderdi zintzoa da, eta, oroz gain, ustelkeria gutxi batzuen kontua da", azpimarratu du.
Bengoetxea: "Informazioak kezkagarriak dira, egunen batean Sanchez presidenteak azalpenak eman beharko ditu"
Ibone Bengoetxea Kultura eta Hizkuntza Politikako sailburu eta lehen lehendakariordea PSOE "ataka zailean" jartzen ari diren ustezko ustelkeria auzien inguruan mintzatu da. Horren ustez, "egoera larria da", eta buruzagi sozialistak azalpenak eman beharko ditu. Auziek Jaurlaritzan izan dezaketen eraginaz galdetuta Bengoetxeak erantzun duenez, Jaurlaritzak "euskal agenda du" eta "ez da despistatzen".
Errenteriako alkateak Adingabeen Fiskaltzaren aurrean lekukotasuna emango du bihar Xenpelar auziaren inguruan
Errenteriako Udalak Polizia Judizialaren eta Adingabeen Fiskaltzaren esku utzi zuen atzo sexu-eraso salaketen inguruan duen informazio guztia, eta eduki hori egiaztatzeko deitu dute alkatea.
Leire Diezek Cristina Narbonarekin hitz egin zuen Pedro Sanchez presidentearen aurkako erasoak "bideratzeko" asmoz
UCOk bien arteko elkarrizketa bat jaso du Leire kasuaren sumarioari erantsitako txosten batean.
EITBren euskarazko ikus-entzunezko edukiak ahalik eta gehien zabaltzea babestu du Eusko Legebiltzarrak
EAJren eta PSE-EEren zuzenketa bat da, EH Bilduk EITBk euskarazko audio eta azpitituluen edukia nazioarteko streaming plataformei doan lagatzeko egindako proposamen bat atzera bota ostean. Nazioarteko plataforma eta operadoreekiko harremana ere sustatuko da.
?fmt=webp-alpha&qlt=80)
Errenteria, Lezo eta Pasaiako alkateek portuaren eskumenak eskualdatzea eta gobernantza eredu berri bat eskatu dute
Pasaiako portuak "euskal ekonomian zeregin estrategikoa" duela nabarmendu dute, eta portuko eremuak "jarduera berritzaileak eta enplegu berriak sustatzen dituzten enpresen eskura egotea" eskatu dute.
PPk berriro jeltzaleei mezua, Tubos Reunidosen miaketaren ondoren: "Azalpenak eman beharko ditu EAJk"
Guardia Zibilak Tubos Reunidosen egoitzan egindako miaketaren ondoren, Alderdi Popularrak, beste behin, EAJri begiratu dio, ustelkeriaren aurrean zein jarrera duen argitu dezan eskatzeko. Alma Ezcurra PPren Koordinazio Sektorialeko idazkariordeak esan du Euskal Herriko enpresa erreferenteetako bat ustelkeriak zipriztindu ondoren, jeltzaleek euren iritzia eman behar dutela eta herritarrei azalpenak eskaini. "Ustelkeriarekin bat egiten duten edo aurka dauden azaldu behar dute", adierazi du.