'Otegik bazekien subiranotasuna eta indarkeria bateraezinak direla'
Bateragune auziko epaiketaren bosgarren eguna. Saioa 10:25ean hasi da, eta gaur defentsaren 20 bat lekukok deklaratuko dute, tartean Pello Urizar EAko idazkari nagusiak.
Saioan, Jose Elorrieta ELAko idazkari nagusi ohiak azaldu du 2008an espetxera joan zela Arnaldo Otegi bisitatzera, eta orduan Batasuneko bozeramaile ohiak hausnarketa "oso garatua, heldua eta koherentea" zuela.
Elorrietaren hitzetan, garai horretan Otegik "oso argi" zeukan solik bide "politiko, zibil eta demokratiko"en aldeko apustua.
"Subiranotasuna eta estrategia politiko-militarra bateraezinak dira. Otegik jakin bazekien, ez da ergela", gaineratu du.
Bisita horretan (Txiki Muñoz ELAko egungo idazkari nagusiarekin joan zen), atzeman egin zituen gaur egungo egoera ulertzeko "gakoak".
Elorrietak Rafa Diez LABeko idazkari nagusi ohia ere hartu du hizpide, eta indarkeriaren aurkako konpromisoa "urte askotakoa" duela esan du: "Hau egin bada [indarkeria errefusatzea], Rafak eta beste hainbat pertsonak luzez egindako lanari esker izan da".
Unai Ziarreta EAko presidente ohiaren hitzetan, Bildu "soilik bide baketsu eta demokratikoen" bitartezko indar politikoen eta ezker abertzalearen arteko lankidetzaren ondoriozko "hauteskunde eredu arrakastatsua" da.
Defentsaren galderei erantzunez, Ziarretak esan du EAk "indar abertzaleak" batzearen alde egin duela beti. Ildo horretan, 2001etik EAJrekin jorratzen saiatu diren "bidea" dela esan du, baina "ez zuela gehiago eman", gaineratu du.
Hori dela eta, 2008an Otegi bisitatu zuen kartzelan, "hitzetatik ekintzetara pasatzeko eta lankidetza politikoa abian jartzeko" beharra azaltzeko. Ekintza horiek "hauteskundeetan zehaztu beharko lirateke", gaineratu du.
"Otegirekin egon ostean, Arnaldok nik izan nezakeen planteamendu politiko berdina zuela konturatu nintzen", azaldu du.
Ildo horretan, "emaitzak mahai gainean" daudela, hauteskundeak izan direla, eta "eredu arrakastatsua" izan dela esan du.
Bestalde, Rafa Larreina EAko Parlamentuko koordinatzaile ohiaren esanetan, 2008an eta 2009an akordioa lortu zuten ezker abertzalearekin alderdi horretako sektore batek bide baketsuen alde egindako zintzotasun "berme nahikoa" ematen zela uste zuelako.
Dena den, Larreinaren esanetan, Otegik eta Rodriguezek bide baketsuak defendatzen zituztela uste zuen, baina "berme batzuk" eskatzen genituen, eta une horretan, EAko zenbaitek uste zuten berme horiek ez zirela nahikoak eta horregatik ez zuten akordioa adostu".
Besteak beste, Txiki Muñozek (ELA), Ainhoa Etxaidek (LAB), Unai Sordok (CCOO) eta Tasio Erkiziak ere deklaratuko dute gaur.
Atzoko saioan poliziek eta defentsaren lehen lekukoek deklaratu zuten.
Saioko deklarazio adierazgarriena poliziaburu batek egin zuen. Izan ere, lekukoak aitortu egin zuen atxiloketen egunean ez zutela Rafa Diez, Rufi Etxeberria eta Ainara Aoiz atzemateko agindurik.
Halaber, bere esanetan, atxiloketak egin baino lau egun lehenago, ikertzaileek uste zuten Amaia Esnal auzipetua ez zela Bateraguneko kide.
Zure interesekoa izan daiteke
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.