Poliziaren biktimak ez dituzte kontuan hartuko Memoriaren Zentroan
Patxi Lopez lehendakariak iragarri du Espainiako hurrengo Gobernuarekin protokolo bat sinatzea espero duela terrorismoaren biktimen omenez Memoriaren Zentro bat sortzeko. Zentroa ETAko, GALeko eta beste talde terrorista batzuetako biktimei zuzenduko diete.
Eusko Jaurlaritzak hilabeteak daramatza Memoriaren Zentroa sortzeko lanetan.
Lopezek Eusko Jaurlaritzarako kontrol saioan egin du iragarpena, Gorka Maneiro UPyDko legebiltzarkideak egindako galdera bati erantzunda. Hain zuzen ere, zentroa Poliziaren biktimei ere zuzenduko dieten eta sorkuntzan biktimak "kontuan" hartuko dituzten galdetu dio. Gainera, proiektuaren inguruan informazio gutxi eman izana leporatu dio.
Hori horrela, Patxi Lopezek baieztatu du "kontuan" hartuko dituztela biktimak, eta "artifizialki zalantzak piztu nahi izatea" leporatu dio Maneirori. Halaber, zentroa "Terrorismoaren Biktimen Legeak aurrez ikusitako biktimei" zuzenduko dietela zehaztu du, hots, ETAko, GALeko eta beste talde batzuetako biktimei.
Lopezek nabarmendu du "baliabideak eta bitartekoak" bideratuko dituztela zentroa sortzeko, "memoria gordetzeko agindu etikoa" betetzea helburu.
Funtzionarioen murrizketak
Bestalde, lehendakariak baieztatu du funtzio publikoan proposatutako murrizketak "sakrifizioa" izango direla funtzionariontzat, baina beharrezkoak direla zerbitzu publikoen kalitateari eusteko eta Katalunian gizarte politiketan egindako murrizketa handiak galarazteko.
Mikel Arana EBko legebiltzarkideak egindako galdera bati erantzunda, Lopezek esan du Jaurlaritzak ez duela Kataluniakoak bezala egingo, hots, "ebakuntza-gelak ixtea, errezetengatik kobratzea edo langileen kontratazioa etetea".
Horren aurrean, Jaurlaritzak "elkartasun esfortzua" egiteko eskatu duela esan du.
Zerga sistemaren erreforma
EAJk eta PSEk fiskalitateari buruz egindako galdera bati erantzunda, Lopezek esan du "premiazkoa" dela EAEko zerga sistema erreformatzea, eta "hazkundea zigortu gabe eta lurraldeen artean desorekak sortu gabe" egin behar dela.
Bere hitzetan, "esfortzu fiskalaren banaketa bidezkoagoa izan behar da".
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.