PP: 'Ezker abertzaleak keinu txiki batekin orria azkar pasatu nahi du'
a Semper Gipuzkoako PPko presidentearen ustez, ezker abertzaleak, "biktimak umiltzeaz gain, ETAren hilketen estrategian lagundu du eta gainera, justifikatu egin du".
Borja Semper Gipuzkoako PPko presidenteak kritikatu egin du ezker abertzaleak "orrialdea, keinu txiki batekin" pasatu nahi izatea, Donostiako Kursaal jauregian aurkeztu zuen adierazpenaren harira. "Orain bi egun arte, mina sozializatzeaz hitz egiten zuten", eta horregatik, "apaltasun eta zintzotasun" gehiago eskatu dio.
ETBn egindako elkarrizketa batean, ezker abertzalearen adierazpenak "kanpotik albiste ona" ematen duela onartu du,"30 urtetan Euskadin zer gertatu den ezagutzen ez duenarentzat". Baina, horren ustez, "harrigarria" izan da adierazpena. "Orain bi egun arte manifestazioetan 'ETA, hil' oihukatzen zutenek orain keinu txiki batekin orria pasatu eta gertatutako guztiaz ahaztea nahi dute", adierazi du.
Semperren iritziz, ezker abertzaleak "biktimak umiltzeaz gain, ETAren estrategia lagundu eta justifikatu egin du".
Terroristek biktimei "askoz gehiago zor" dietela uste du PPko buruzagiak, baina baita "euskal gizarteari ere". "Gure izenean hil du ETAk, eta barkamen zintzoa merezi dugu egin diguten minagatik", gaineratu du.
Bestetik, Mikel Torres, PSE-EEko exekutibako kide eta Portugaleteko alkateak ezker abertzaleari eskatu dio ETAren desegitea eskatzeko eta eragindako mina kondenatzeko. Gainera, "sentsibilizazio maila falta" erakutsi baino, "konplize" izan direla erakutsi dutela esan dio.
Radio Euskadin egin dituen adierazpenetan, Patxi Lopez lehendakariak Kongresuan lortutako akordioa Euskadira ekartzeko aukera nabarmendu du, "Legebiltzarra, azken urteetan, bilkura gune izan baita".
Ezker abertzalearen adierazpenen harira, "ematen dituzten pauso guztiak, txikiak badira ere, onak dira", esan du, baina "bidea luzea da, eta pauso txikietan egiten ari dira, gizarteak ordea, pauso handiagoak eskatzen ditu", esan du.
Bestetik, ezker abertzaleari "ETAri desegiteko" eskatzeko exijitu dio, Torresen ustez "hitz anbiguoak daudelako, eta gizarteak ulertzen ez dituelako".
Aintzane Ezenarro Aralarreko bozeramaileak ere ezker abertzalearen adierazpnearen inguruan hitz egin du bere Facebokkeko kontuan.
"ETAko biktimekiko sentsibilizazio faltagatik barkamena eskatu izana, Aieteko adierazpen hotza baino pauso bat gehiago da biktimekiko. Hala ere, "nahigabe" izan dela esatea ez da oso sinesgarria. "Sufrimendua sozializatu" bezalako esaldiak ez ditugu ahaztu behar, zibilak, politikariak eta kazteariak hiltzera ermana baitzuen, beraz iragana bere gain hartu behar dute", adierazi du.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.