Zentsura mozioa 'hauteskundeetarako estrategia' dela dio Alduntzinek
Carlos Alduntzin Gipuzkoako Ingurumen diputatua bere aurka EAJk, PPk eta PSEk aurkeztu duten zentsura mozioaz mintzatu da Radio Euskadin. "Hauteskundeetarako estrategia" besterik ez dela adierazi du eta Batzar Nagusietako gehiengoak hondakinen kudeaketaren inguruan euren "gehiengoa" inposatu nahi izatea "hutsegitea" dela uste du. Ildo honetan, "adostasunak" eskatu ditu eta "estrategiaren edukien inguruko eztabaidarako tartea dagoen ala ez ikusteko" bilerak areagotu egingo dituztela esan du.
Zentsura mozioa eztabaidatu bitartean, "orain arte bezala" lanean jarraituko duela ziurtatu du, "gipuzkoarren gehiengoak hautatu zuten hauteskunde programari dagokion agintaldiarekin betetzeko" asmoz.
Hondakinen kudeaketan dauden "eskumen ezberdinen arteko adostasunak" lortzeko beharra aipatu du. Honen harira, "Batzar Nagusiak Gipuzkoako Udalen eta mankomunitateen gehiengoari euren gehiengoa inposatu nahi izatea" kritikatu du.
Oposizioko alderdiek aurkeztu duten zentsura mozioa "hauteskundeetarako estrategia besterik ez da Bilduren bakardadea eta ezintasuna islatzeko", adierazi du, eta era horretan, gizarteari "hemen gaude zintzoak, herrialdea kudeatzen dakigunak" bezalako mezuak helaraziz erkidegoko hauteskundeak "baldintzatu" nahi dituztela salatu du.
Europan "baliabideen kudeaketaz gero eta gehiago" hitz egiten ari direla aipatu du.
Alduntzinen esanetan, "hondakinen % 30 tratatzen ditugu gaika", eta "Europako herrialde garatuenek, hondakinen % 70". "Bide luzea dugu aurretik, eta horixe da gure estrategiak proposatzen duena: ibilbide hori erraustegien oztoporik gabe egitea", proposatu du, baina "ez Bilduk esaten duelako, Europak diolako baizik"
Zure interesekoa izan daiteke
Chivitek uste du PSOEri "azkartasuna eta irmotasuna" falta izan zaiola sexu-jazarpenaren aurrean
Maria Chivite Nafarroako presidenteak gogorarazi du PSOE dela sexu-abusu kasuetarako protokoloa duen alderdi bakarra, baina uste du "hobetu" egin behar dela, "biktimen babesari, biktimen bermeari eta jarduera azkar, eraginkor eta justuari begira".
?fmt=webp-alpha&qlt=80)
Sexu-jazarpenagatik eta lan-jazarpenagatik berriki jarritako hainbat salaketa ikertzen ari da PSOE
Azken orduetan, dimisioak eragin dituzten hainbat kasu ezagutu dira, hala nola Belalcazarreko (Kordoba) alkatearena edo Galiziako sozialisten Berdintasun idazkariarena, azken hori Jose Tome Roca Lugoko Diputazioko presidente ohiak kargua utzi ostean izandako desadostasun batengatik.
Esther Muñozek (PP) EAJri eskatu dio "hausnartu" dezala Sanchezi ematen dion babesaren inguruan
Alderdikideekin afari batean parte hartzeko Donostiara egindako bisitan, Alderdi Popularraren Kongresuko bozeramaileak Espainiako Gobernuari "gertatzen ari denagatik erantzukizunak hartzeko" eskatu dio, eta EAJri "Sanchezen alde noiz arte jarraituko duen" galdetu dio.
Martxoak 3 elkarteko biktimek Memoriala utziko dute "parte hartzea bermatzen ez bada"
Martxoak 3 elkarteak deitoratu du ez duela bermerik jaso sinatutako akordioari eusteko moduari buruz, eta ez dela deitu hitzarmena luzatu behar duen jarraipen-batzorderik. "Adostutakoa betetzen ez bada, Memorialak ez du inolako arrazoirik biktimentzat", ohartarazi du elkarteak.
Sumar osatzen duten alderdiek "Gobernu berria" eskatu diote Sanchezi, baina Moncloak baztertu egiten du
Gobernuko kide txikienak, Yolanda Diazek elkarrizketa batean zabaldutako ildoari jarraituz, irmotasuna eta aldaketak eskatu dizkio PSOEri. Hala ere, exekutiboaren gertuko iturrien arabera, azken kasuek ez dute ministrorik zipriztindu, eta, beraz, aurreikusita zeuden ordezkapenekin jarraituko dute.
GKSk faxismoaren aurkako manifestazioak deitu ditu urtarrilaren 31rako Bilbon eta Iruñean
Bilbon egindako agerraldi publikoan, ohartarazi du "euskal nortasunaren izenean" faxismoa sortu dela Euskal Herrian, eta "sare sozialetan eta kaleetako hormetan agertzen" hasia dela, "mezu arrazista, supremazista eta matxistekin".
Osasun sailburuak "jarrera aldatzeko" eskatu dio Osasun ministroari, medikuen grebaren eta profesionalen faltaren aurrean
Alberto Martinez sailburua kezkatuta agertu da mediku eskasiari aurre egiteko neurririk hartzen ari ez direla iritzita, eta azalpenak eskatu ditu Esparru Estatutuan guardia medikoetarako proposatzen den antolaketa ereduari buruz.
PSOE irabazletzat jo du berriro ere CISek, PPri bederatzi puntuko aldea aterata
Etxebizitza da herritarren kezka nagusia, eta, ondoren, krisi ekonomikoa eta arazo politikoak daude. Pedro Sanchez buruzagi sozialista da presidente gisa gustukoena, nahiz eta ezein liderrek ez duen gainditzen.
UCOk dokumentazioa eskatu du Correosen eta Ogasun zein Trantsizio Ekologikoko ministerioetan
Zehazki, kontratu eta dirulaguntzei buruzko dokumentazioa eskatu diete guardia zibilek, Leire Diezekin lotutako sarearen inguruko ikerketaren baitan. Prebarikazioa, ondasun publikoak bidegabe erabiltzea eta erakunde kriminal bateko kide izatea leporatzen diete. Ikerketa zabalik dago oraindik.
Arabako foru kabineteak eta Elkarrekin Podemos IUk negoziazioak areagotuko dituzte, akordio bat ixten saiatzeko
Arabako Batzar Nagusietako aurrekontu proposamena aurrera jarraitzea ahalbidetu du Elkarrekin Podemos IUk, koalizio horretako hiru prokuradoreen botoei esker. Zuzenketa partzialak astelehenean eta asteartean eztabaidatuko dira, eta behin betiko onarpenerako osoko bilkura hilaren 19an izango da.