Gobernua: 'Bildu legez kanpo uzteko kontagailua martxan da'
Gobernuak eta PPk astearte honetan Amaiurri eta Bilduri legez kanpo uzteko "kontagailua" martxan dela ohartarazi die.
Jorge Fernandez Diaz Barne ministroaren eta Alfonso Alonso Kongresuan PPren bozeramaile denaren ustez, Amaiurrek eta Bilduk Konstituzionalak Sortu legeztatzeko epaian jarritako jarreretan oker egin ahal izan dute. Jarrera horiek ez betetzeak alderdia legez kanpo uztea eragin dezakete.
Hitz horiek esan dituzte diru publikoarekin ETAko presoei buruzko dokumental bat finantzatzeko Donostiako Udalaren erabakiaren harira, eta Amaiurrek astearte honetan ETAko ustezko presoen atxiloketa kritikatu ostean.
Xabier Mikel Errekondo Kongresuan Amaiurren bozeramaile denak esan du atxiloketak "euskal gatazkaren irtenbidearen kontrako noranzkoan" doazela. Bere aldetik, Jorge Fernandez Diazek Amaiurri "hiltzaileen eta terroristen" alde jartzea leporatu dio.
'ETAk desegin egin behar du, onean edo txarrean'
''Oso zigortuta'' bada ere, ETA aktibo dago oraindik Frantzian, eta bere logistikaren kontrako ''kolpe latza'' izan dira han egindako atxiloketak, Jorge Fernandez Diaz Barne ministroaren ustez.
Ugaitz Errazkin eta Jose Javier Oses Carrasco ETAko ustezko bi kideak atxilotu ditu Frantziako Poliziak, Guardia Zibilaren laguntzarekin, Albin (Frantziako Tolosatik gertu).
Isaias Carrasco zinegotziaren eta Inaxio Uria enpresariaren hilketekin zuzenean erlazionatu du Fernandez Diazek Ugaitz Errazkin, eta ETAko ustezko kidearen ''historial odoltsua'' azpimarratu du.
Jose Javier Oses Carrascok, berriz, kale borrokarekin lotutako ibilbide luzea duela esan du ministroak, 2004a eta 2007a bitartean Iruñean egindako 40 bat indarkeria ekintzarekin lotu baitu atxilotua. ''Ikasle gailena'' da Oses Carrasco, ministroaren hitzetan.
Atxiloketak izan diren unean ETAko ustezko bi kideek armak zaramatzatela azaldu du Fernandez Diazek, eta, etxebizitzako garajean, lapurtutako auto bat eta matrikula faltsuak aurkitu dituztela azaldu du.
ETAren egitura logistikoko kideak direla eta egitura horrek, klandestinitatean, aktibo jarraitzen duela azaldu du ministroak. Zuloak zaintzeko eta militanteak elkarrekin harremanetan jartzeko ardura zutela esan du.
"ETAk, onean edo txarrean bada ere, desegin egin behar duela esaten dugunean oso serio ari gara'', esan du ministroak. ''Gobernuak ETArekin edo presoekin negoziatzeko asmorik ez duela argi erakusten dute atxiloketek'', gaineratu du.
ETAren desegiteari ''eperik'' ez dio jarri nahi
Iñaki Oyarzabal EAEko PPko idazkari orokorrak ETA 'datozen hilabeteetan' desegingo dela esan duen arren, Barne Ministroak ez dio desegite horri ''eperik'' jarri nahi izan. "Ez dut eperik jarri nahi. Azpimarratu nahi dudan gauza bakarra da 2012an 13 atxilotu daramatzagula dagoeneko'', esan du ministroak.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.