ETAko 19 ustezko kide atxilotu dituzte jarduera armatua utzi zuenetik
Asteazken honetan Bilbon izan den atxiloketarekin, dagoeneko ETAko 19 ustezko kide atxilotu dituzte urriaren 20an ETAk jarduera armatua utzi zuela iragarri zuenetik.
Atxiloketetako 13 Frantziako Estatuan izan dira, bat Erroman, bi Belgikan eta beste hiru Espainian. Bost atxiloketa 2011k izan ziren eta gainerakoak, aurten.
Azken atxiloketak ekainaren 13an izan ziren, Italian. Italiako Poliziaren Servizio Centrale Antiterrorismo taldeak Lander Fernandez Arrinda ETAko preso ohia atxilotu zuen, Erroman.
Orduan, Jorge Fernandez Diaz Barne ministroak ohartarazi zuen atxiloketa gehiago izan zitezkeela Europako beste estatu batzuetan.
2012. urteari dagokionez, maiatzaren 27an Oroitz Gurrutxaga Gogorza ETAko ustezko buru militarra eta Javier Aranburu Sagarminaga atzeman zituzten, Caunan (Frantzia).
Martxoaren 7an, berriz, Jose Manuel Azkarate Ramos ETAko ustezko kidea atxilotu zuten Ziburun (Lapurdi).
Era berean, Lapurdiko beste udalerri batean, Angelun, Oier Oa Puyol ETAko ustezko kide bilatuenetako bat atxilotu zuten.
Guardia Zibilak Iñaki Igerategi Lizarribar eta Juan Ignacio Otaño Labaca atxilotu zituen otsailaren 21ean Tolosan eta Andoainen (Gipuzkoa), ETAren aurreko zuzendaritzarekin harremana zutelakoan.
Hilabete lehenago, Frantziako Poliziak Ernesto Prat Urzainki, ETAko ustezko kide bilatuenetako bat, eraman zuen atxilo Urruñan (Lapurdi).
Aurtengo lehenengo atxiloketa, berriz, urtarrilaren 14an izan zen, eta orduan Jon Etxeberria Oiarbide, Iñigo Sancho Marco eta Ruben Rivero Campo izan ziren atxilo eraman zituztenak.
Zure interesekoa izan daiteke
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.
"Mina minaren gainean" eragitea egotzi dio Rosa Zarraren familiak Atutxari
Joan den asteburuan ETBn egindako elkarrizketan, Barne sailburu izandakoak esan zuen Zarraren familiari barkarmena eskatzeko arazorik ez zuela, baina zehaztu zuen ETAk hildako 15 ertzaintzen familiek ere zerbait entzun nahiko luketela. "Gauza asko sartu beharko genituzke pakete horretan", adierazi zuen.