Bilduren agintepeko udalek ez diote Eudeli diru laguntzarik emango
Bilduren agintepeko udalek ez dute aurrerantzean Eudel Euskadiko Udalen Elkartea diruz lagunduko, "erakundearen funtzionamenduari eta helburuen gaineko eztabaida irekitzen ez den bitartean, behintzat".
Koalizioko bost udal ordezkarik prentsaurrekoa eskaini dute gaur goizean Donostian, eta bertan eman dute erabakiaren berri. Horien esanetan, Eudeleko kide izan nahi dute, eta Euskadiko Udalen Elkartea Udalbiltzarekin erabat bateragarria da.
Ibai Iriarte Tolosako alkateak eta Joxean Llaguno Sopuertako zinegotziak testu bana irakurri dute, euskaraz eta gazteleraz. Azken 16 hilabeteetan hainbat proposamen egin dituzte, baina Eudeleko arduradunek eskari horiei entzungor egin diete, bertan egin duten salaketaren arabera.
Bilduk gutxieneko akordio bat lortu nahi du, sentsibilitate ezberdinak eta udalak gobernatzeko eredu ezberdinak batzeko.
Ortuzarren kritika
Ortuzarrek Onda Cero irrati katean esan duenez, Bilduren jarrerak "atentzioa eman dio", alderdi horretako alkateek hasieratik Eudeli "boikota" egin diotelako, elkarteko gobernu organoetan parte hartzea errefusatuz.
EBBko presidentearen arabera, "Bilduk Udal asko ditu, baina ez gehiengoak, horregatik, ezin die bere irizpideak beste alderdi, alkate eta zinegotziei ezarri".
Eudeleko gobernu organoetan parte hartzeko eskatu dio Ortuzarrek Bilduri, bertan parte hartzen ez duen alderdi bakarra delako, eta "kale borrokarekin egon diren bitartean, beste batzuk erakundeetan lanean egon gara", esan du.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.