Montorok esan du Gobernua izan dela gogorrena ustelkeriarekin
Cristobal Montoro Ogasun ministroak bere burua babestu du astearte honetan, PSOEren dimisio-eskaeraren aurrean, Luis Barcenas amnistia fiskalaz baliatu zela "egiaztatu gabe" dagoelako. Halaber, "demokrazia osoan" Gobernua izan dela iruzurrarekin eta ustelkeriarekin "gogorrena", nabarmendu du.
Montorok horrela erantzun du Goi Ganberako kontrol-saioan. PSOEk ministroaren dimisioa eskatu du hari zuzendu dizkion bi galderetatik lehenengoan.
"Dimititzeko asmoa duzu Luis Barcenasek amnistia fiskala jaso duela egiaztatzen bada?", galdetu dio Jose Miguel Camacho sozialistak Montorori, hitza hartu bezain laster.
"Barcenas jaunak ez du erregulazio fiskala jaso", erantzun du Montorok, eta PPko diruzain ohia ez dela "kide gisa" azaltzen gaineratu du, ezta "Tesedul sozietateko jabe moduan" ere.
"Ez Barcenasek ez beste inork ezin du, hirugarrenen bidez, erregularizatu, ezta elkarteen edota banku-elkarteen bidez, argiago ezin dut esan", azpimarratu du Montorok. "Horren zaila da hau ulertzea?", galdegin die sozialistei.
Gallardon: 'Gobernu osoa Rajoyrekin harro dago'
Alberto Ruiz Gallardon Justizia ministroak esan duenez, Gobernuko ministro guztiak eta PP osoa "harro" daude Mariano Rajoy gobernuburuaz, eta haren zintzotasunaz "guztiz konbentzituta" daudela nabarmendu du.
Gallardonek era horretan erantzun dio Senatuko kontrol-saioan Jose Montilla sozialistak egin dion galdera bati. Azken horrek Gobernuak hartuko dituen neurriei buruz jakin nahi izan du, "erakundeen krisi larria"ren aurrean, Barcenas auzia dela eta.
"Zin dagizut banku urdin honetan esertzen garen guztiok eta nire talde parlamentarioko senatari guztiak Gobernuko presidentearen zintzotasunaz eta erantzukizunaz konbentzituta gaudela; Rajoyrekin harro gaude, eta hori horrela izango da legealdi osoan," azpimarratu du.
Justizia ministroak azaldu duenez, Gobernuko lehen urtean, PPk Zigor Kodea erreformatu du alderdi politikoak eta pertsona juridikoak jazarri ahal izateko, eta Gardentasun Legearen Proiektua ere izapidetu duela gaineratu du.
Halaber, dohaintzen kontrolak handitu dira, eta finantza-erakundeek ezin dituzte 100.000 euro baino gehiagoko alderdien zorrak barkatu, azaldu du.
Albiste gehiago politika
Abalosek aitortu gabeko diru-sarrerak eta PSOEren ordainketak atzeman ditu UCOk
"Ordainketa jakin batzuk" bat datoz PSOEk emandako informazioarekin, baina gaineratu du "aztertutako ebidentzien artean PSOEk eskudirutan egindako beste ordainketa batzuk" daudela, "inolako dokumentu-babesik eta informaziorik gabe".
Aburtok legealdia agortzeko asmo sendoa du
Eneko Goiaren agurraren berri izan ondoren, Bilboko alkateak adierazi du berak legealdia agortzeko asmoa duela. "Nik oraindik ia bi urte dauzkat aurretik gure lanarekin jarraitzeko. Momentu honetan ez dut urrunago begiratzen", esan du Juan Mari Aburtok.
Gorenak azaroaren 3a eta 13a bitartean epaituko du fiskal nagusia, eta Ayusoren kabineteburuak eta Lobatok deklaratuko dute
Gehiengoa duten zazpi magistratu kontserbadoreek eskatuta, Francesc Valles Komunikaziorako Estatu idazkari ohiak eta Pilar Sanchez Acera Moncloako aholkulari ohiak lekuko gisa deklaratuko dute.
Jon Insausti, udal kudeaketan eskarmentu handia duen gazte donostiarra
Jon Insausti, 36 urteko donostiarra, 2015etik da zinegotzia, enpresa pribatuetan hainbat esperientzia profesional izan ondoren. Enpresa Zuzendaritza eta Administrazioan lizentziaduna, Kultura, Euskara eta Turismo zinegotzia izan da azken urteotan.
Espainiako Gobernuak Konstituzioa erreformatzeko proposatuko du abortua eskubide gisa sartzeko
Gobernuko iturriek zehaztu dutenez, erreformak ezarriko du abortuaren arloan ematen den informazio guztiak "oinarri zientifiko objektiboa" izan behar duela, eta "nazioarteko erakundeen estandarrek" babestuta egon behar duela, hala nola Osasunaren Mundu Erakundearena (OME) eta Amerikako Psikiatria Elkartearena (APA)". "Oinarri zientifikorik gabeko teoriek, hala nola ustezko 'abortuaren osteko sindromeak', ez lukete lekurik sailkapen horietan", ohartarazi dute Exekutibotik.
"Ilusioa sortzen duen Donostia gaztetuaren alde" lan egiteko prest agertu da Jon Insausti
Donostiako alkate izango denak “esker ona” agertu du erakutsitako konfiantzagatik, eta uneotan “emozioa, ilusioa eta ardura” nagusi dituela esan du. “Erabakiak hartzeko eta erronkei aurre egiteko prest nago", nabarmendu du jeltzaleak.
"Donostiar euskaldun petoa" gisa definitu du GBBk Insausti
Euge Arrizabalaga GBBko presidenteak adierazi du Jon Insaustik "hiriaren ezagutza sakona" duela, baita "gaitasuna eta gogoa" ere.
GBBk konfirmatu du Jon Insaustik ordezkatuko duela Eneko Goia
EAJren Gipuzkoa Buru Batzarrak Jon Insausti izendatu du Donostiako alkate, Eneko Goiak urriaren 16an kargua utziko duela iragarri ostean.
Maria Chivitek esan du lasai dagoela eta ez duela ezer ezkutatzeko Cerdan auzian
Eskuineko alderdien zirku bat iruditzen zaio guztia Nafarroako presidenteari. Chiviteren esanetan, ustelkeria da oposizioak foru gobernua eskuratzeko duen azken esperantza.
El Gobierno de España propone una reforma de la Constitución para incluir el aborto como un derecho
Según han detallado las fuentes del Gobierno, la reforma establecerá la obligación de que toda la información que se brinde en materia de aborto tenga "base científica objetiva" y esté respaldada por "estándares de las instituciones internacionales como la Organización Mundial de la Salud (OMS) y la Asociación Americana de Psiquiatría (APA)". "Teorías sin base científica como el supuesto 'síndrome posaborto' no tendrían cabida en estas clasificaciones", avisan desde el Ejecutivo.