Esku-dirutan 2,4 milioi euro sartu zituen Barcenasek Suitzako kontutan
Luis Barcenas PPko diruzain ohia 16 alditan joan zen Suitzara 2001 eta 2005 urteen artean eta 2.437.485 euro sartu zituen esku-dirutan horren izenean zegoen Dresdner Bank banketxeko kontu batean, Pablo Ruz Auzitegi Nazionaleko epaileak Suitzatik jasotako informazioaren arabera.
Halaber, Gürtel auziko bigarrenarekin, Pablo Cresporekin, lotutako kontuak ere helarazi dizkio Suitzak epaileari, baita Guillermo Ortega Majadahondako alkate ohiaren (PP) eta Amando Mayo auzian inputatutako enpresa-gizonaren kontuak ere.
Banketxe horren arabera, Barcenasek koadroen eta higiezinen salmentekin justifikatu izan zuen diru kopuru hori, baina Ruzen arabera, "diru horren jatorria ikertzea beharrezkoa da".
Dredsner Bank banketxeak Ruzi 11 liburukitan helarazi dio 2001-2005 urteei dagokien informazio guztia.
Aurretik, 2005 eta 2009 urteen arteko informazioa bidali zion banketxeak. 22 milioi euro izan zituela jakin zen orduan, baina Barcenasek berak bere deklarazioan onartu zuen 38 milioi euro izatera iritsi zela.
Oraingo dokumentazioan jakin denez, 2001. urtean Genevan kontu bat ireki zuen bere izenean Luis Barcenasek eta ahalordedun gisa Rosalia Iglesias bere emaztea azaltzen zen, baita Juan Carlos Barcenas anaia ere. Halaber, horren izen-mailegatzaile zen Ivan Yañezen aitak, Francisco Yañezek, baimena zuen gutunak eta dokumentazioa jasotzeko.
Diru-sarrera horiek urte horietan guztietan egin zituen 16 bisitetan egin ziren, 2001. urteko ekainaren 22tik, 2005eko ekainaren 24ra bitartean, hain zuzen. Behin, 2004ko azaroaren 1ean, PPko diruzain ohiak ez zuen zeraman dirua sartzea lortu, "bezeroa ados ez zegoelako", txostenean azaltzen denaren arabera.
Epaileak dionez, "kapital mugimenduen inguruko dokumentazio eta justifikazio eza" nabarmena da, eta Barcenasekin lotutako Lombard Odier banketxeko kontuetako dokumentazioa oraindik aztertzekw dagoela ekarri du gogora.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.