Ertzaintzak Ekaitz de Ibero gaztea atxilotu du Donostian
Ertzaintzak Ekaitz de Ibero, Auzitegi Gorenak absolbitutako Segiko ustezko zazpi kideetako bat (beste zortzi kondenatu egin zituen), atxilotu du gaur goizean Donostian, beste auzi bat dela eta.
Atxiloketa Donostiako Boulevardean egin dute, "Askegunea" izeneko karpa eremuan, kondenatuei elkartasuna adierazteko ehunka pertsonak sortu duten eremuan, hain zuzen ere.
Istilu larriak sortu dira bertan Ertzaintzaren eta manifestarien artean, eta hainbat pertsona zauritu dira. Segurtasun Sailak jakitera eman duenez, Ertzaintzako bost agentek kontusioak izan dituzte, eta horietatik bi mutuan artatu behar izan dituzte.
Eguerdian, De Ibero atxilotuari elkartasuna adierazteko, elkarretaratzea egin dute tokian bertan, eta manifestarietako bozeramaile batek azaldu duenez, istiluetan zehar hiru zauritu izan dira, eta horietako bi ospitalera igorri behar izan dituzte.
Ertzaintzaren iturriek eitb.com-i jakinarazi diotenez, agenteek Boulevardean bilduta zegoen pertsonetako bat Ekaitz de Ibero zela jakin dute, eta atzematera joan dira, "atxilotzeko agindu judiziala" zutelako.
Iturri horiek gaineratu dutenez, "agenteek erresistentzia bortitzarekin egin dute topo, eta borrak erabili behar izan dituzte".
Bestalde, Xalba Ramirez topatu.info webguneko langileak Euskadi Irratiari azaldu dioenez, Boulevardeko protesta gunean "200 bat pertsona" zeuden kondenatutako zortzi gazteei babesa adierazteko, "eta bat-batean 70 ertzain korrika etorri dira, denak inguratu gaituzte, eta zuzenean Ekaitz atxilotzera joan dira. Jendea eseri egin da Ekaitzen inguruan, babesa adieraziz, eta ertzainak kargatzen hasi dira borrak eskuan; kriston karga bortiza izan da".
Ramirezek jakinarazi duenez, ospitaleratu dituzten bi pertsona horietako batek "burua irekita" zuen, baina beste "hamarkak" ere zauriak dituzte.
Zure interesekoa izan daiteke
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.