PPren kontuen 'paperak' Barcenasek idatzi zituela ebatzi du Poliziak
El Pais egunkariak argitaratutako agiri sekretuen egilea Luis Barcenas PPko diruzain ohia izan zela egiaztatu du Poliziak. PPko Alderdi Popularreko buruzagi nagusiek pizgarriak diru beltzean jaso zituztela frogatzen ei dute "Barcenasen paperak" deituriko horiek, Pablo Ruz epailearen arabera.
Aipaturiko dokumentu horien fotokopiak erabili ditu Poliziak, kaligrafia aztertu ahal izateko, eta dagoeneko Pablo Ruz kasuko epailearen esku dago txostena.
Txostenean irakur daitekeenez, Luis Barcenas Gutierrez jaunak idatzi ditu aztertutako dokumentu horietan ageri diren letra eta zenbaki horiek. Hala ere, ikertzaileek ezin izan dute zenbait sinaduren egileak identifikatzerik izan, "ulergaitzak" direla argudiatuta.
Diruzain ohiak 2004 eta 2008 urte bitartean egindako ondare aitorpenarekin, Suizako erregu batzordeak egindako dokumentuekin, eta Ustelkeriaren kontrako Fiskaltzaren aurrean Barcenasek egin zuen kaligrafia azterketarekin alderatu ditu Poliziak "Barcenasen paperak".
Alderdi Popularreko diruzain ohiak, behin eta berriz, ukatu egin du agiri sekretuen egilea izatea, baita Ustelkeriaren kontrako Fiskaltzaren aurrean egindako deklarazioan ere. Barcenasek uko egin zion kaligrafia froga egiteari Auzitegi Nazionaleko Pablo Ruz epailearen aurrean, eta ez zuen deklaratu nahi izan.
Saenz de Santamaria, isilik
Soraya Saenz de Santamaria Espainiako Gobernuko presidenteordeak ez du Poliziaren txostenaren gaineko baloraziorik egin nahi izan. "Adituen txostenari buruzko balorazioa egitea, prozedura judizialaren arduradunari dagokio", adierazi du. Horren ustez, prozedura horretan dagoenak erabaki beharko du Poliziaren txostenak nolako ondorioak izango dituen.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.