Iglesiasek paktu bat proposatu zion Barcenasi, isilik geldi zedin
Javier Iglesias Redondo abokatuak, PPko agintariek estimu handitan duten pertsona batek, paktu bat proposatu zion Luis Barcenasi, 1990etik 2008ra arte alderdian izan zuten kontabilitate ezkutuaren dokumentu originalak aurkeztu ez zitzan, El Mundo egunkariak gaur jakinarazi duenez. "Hitz egiten baduzu, zure emaztea kartzelara joango da. Isilik bazaude, Alberto Ruiz-Gallardón oporren aurretiko Ministro Kontseiluan kargugabetuko dute, eta zure auzia irailean artxibatuko da, baliogabetzat jota". Abokatuak mezu hori helarazi zion PPko diruzain ohiari duela astebete, Soto del Realeko kartzelan, "alderdiaren izenean".
Miguel Duranek proposamen berdintsua egin zion, baina oraingoan "Mariano Rajoyren izenean". Tratu penal ona; auzia baliogabetzat jotzea; Justizian Gallardon aldatzea, Fiskaltza kontrolatu ahal izateko; Rosalia Iglesias salbuestea, eta "semea lasai utzi" egingo zutela agindu zion Barcenasi horrek. Horrekin batera, azken gauza bat eskatu zion: diruzain ohiak Ruz epailearen aurreko gaurko agerpena atzeratzea eskatzea, denbora lortzeko eta horrek hitza jan eta dena gezurtatzeko.
Hala ere, Barcenasek ez du atzeratzea eskatu, eta, gaur, PPren azken hogei urteetako kontabilitate ezkutuaren ehunka dokumentu original aurkeztuko dizkio Espainiako Auzitegi Nazionaleko epaileari.
Barcenasekin ezer hitzartu izana ukatu dute
Miguel Duran eta Javier Iglesias abokatuek Luis Barcenas kartzelan alderdiaren mezu bat helarazteko bisitatu izana ukatu dute.
Lehenengoak adierazi duenez, bi aldiz bisitatu zuen Barcenas Soto del Real espetxean, berak eta bere familiak hala eskatuta, eta, horietan, PPko diruzain ohiari abokaturik gabe egon zen egunetan laguntza "profesionala eta morala" eskaintzera mugatu zela esan du.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.