Oposizioa PPren pentsio erreformaren aurka agertu da
PSOE, EAJ-PNV eta Amaiur alderdiek Espainiako Gobernuak aurrera eraman nahi duen pentsioen erreforma kritikatu dute. Erreforma horrek 33.000 milioi euroko murrizketa egingo du pentsioetan datozen bederatzi urtetan.
Soraya Rodriguez PSOEren bozeramaileak Kongresuan adierazi duenez, jubilatuen eskubide ekonomiko eta sozialak "desjabetuko" ditu erreformak. "Ezarriko den momentutik, Espainiako pentsionistak txirotaunera eramango dituen desjabetzea izango da", esan du.
2011ko hauteskundeetan Alderdi Popularrak aurkeztu zuen hauteskunde programa gogoratzeko gonbitea luzatu die Rodriguezek herritarrei. "Programa hartan zehazten zenez, ez zen murrizketarik egingo osasunean, hezkuntzan eta pentsioetan, eta banketxeei ez zitzaien diru publikorik emango", gogoratu du. "Eta hilabete hauen ondoren, Mariano Rajoyk osasun publikoa, hezkuntza eta pentsioak suntsitu ditu", gaineratu du.
EAJ-PNV
Aitor Esteban EAJk diputatuak, bestalde, ez du ulertzen pentsioen erreformaren bidez kopuruak handituko direla baieztatzeko Espainiako Gobernuak duen "obsesioa". "Garbi dago hori ez dela horrela izango", azpimarratu du.
"Ekonomiak eta gizarteak gaur egun bizi duten egoera kontuan izanik, eta datozen belaunaldietan biziko den egoera aintzat hartuz, Segurtasun Sozialaren sistema ukitu beharra dago eta hausnarketa egin behar da etorkizunean iraun!, onartu du.
Hori dela eta, "arazoari aurre" egin behar zaiola pentsatu arren, ez du uste Rajoyren Gobernuak hartu duen "erabakia egokia denik" eta beste bide batzuk jorratzearen alde agertu da. "Ezarri behar den konponbidea hau bada, ezin zaie herritarrei gezurrik esan", amaitu du.
Amaiur
Sabino Cuadra Amaiurreko diputatuak "besteen poltsikoan, pentsionisten poltsikoan, eskua sartzea" egotzi dio gobernuari. "Murrizketa itzela" jasango dutela esan du.
Cuadraren aburuz, krisiaren aurrean Gobernuak aurrera eraman nahi dituen neurriek porrot egin dute eta ez dute defizitaren arazoa konpontzeko balio izan. Hori de eta, diru-sarrerak handituko dituzten eta pentsioen jasangarritasuna mantenduko duten "aurkako" politikak egitearen alde agertu da
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.