Gobernua ETAko presoak denak batera ez ateratzen saiatuko da
Angeles Pedraza Terrorismoaren Biktimen Elkarteko (AVT) presidenteak ziurtatu duenez, 'Parot doktrina'ren baliogabetzea dela eta ETAko presoak espetxeetatik denak batera irtetea saihestuko duela agindu dio Mariano Rajoy Gobernuko presidenteak.
Mari Mar Blanco Terrorismoaren Biktimen Fundazioko presidentea eta Pedraza Rajoyrekin bildu dira bana-banan, baina lehenengoak ez du adierazpenik egin bilera bukatzean.
AVTko presidentearen ahotan, Exekutiboak epaia arbuiatzen duela eta Auzitegi Nazionalak aho batez Ines del Rio espetxetik ateratzeko erabakia hartzeak Gobernua ezustean harrapatu duela adierazi dio Rajoyk. Del Rio Teixeiroko (Coruña) kartzelatik atera zen atzo.
Doktrinaren indargabetzea eragozteko Gobernuak "ahal duen guztia" egin duela esan dio Rajoyk. "ETAko kide denak batera espetxetik ateratzea saihesteko" lan egingo dutela agindu dio, Pedrazaren esanetan.
Ez du "pozik" alde egin
Presidentearen begikotasuna azpimarratu du AVTko ordezkariak, baina bileratik "konforme" atera ez dela gaineratu du, Rajoyk "ETAko kideen irteera eragozteko zerbait" egingo dutela bermatu ez diolako.
Oraingo Gobernuak zein aurrekoak 'Parot doktrina' mantentzeko "askoz gehiago" egin behar izan dutela erantsi du Pedrazak.
Bilera biktimen "haserrea eta atsekabea" Rajoyri helarazteko aprobetxatu du Pedrazak. "Egoera hau sekula ez errepikatzea", eskatu dio.
Mari Mar Blanco Terrorismoaren Biktimen Fundazioko presidentea Rajoyrekin. Argazkia: EFE
36 eskaera
Bestalde, Auzitegi Nazionalak 'Parot doktrina' ezarrita duten 36 presoren eskaerak jaso ditu, aske uzteko eskatuz. Datorren ostiralean erabakiko du horien inguruan Auzitegi Nazionaleko zigor-arloko salak.
Sortu alderdiak ez du inolako ongietorririk deituko Estrasburgoko Auzitegiak doktrina baliogabetu ostean libre gelditu diren presoak omentzeko, Hasier Arraiz Sortuko presidenteak jakinarazi duenez.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.