36 presok aske uzteko eskatu diote Auzitegi Nazionalari
Auzitegi Nazionalak 'Parot doktrina' ezarrita duten 36 presoren eskaerak jaso ditu, aske uzteko eskatuz. Datorren ostiralean erabakiko du horien inguruan Auzitegi Nazionaleko Zigor-arloko Salak.
Auzitegitik adierazi dutenez, aurreikusita zegoen moduan, ostiral honetan Joxepa Ernagaren eta Manuel Piriz Lopezen kasuak aztertuko dituzte. Horrez gain, jaso diren gainerako 36 eskaeren inguruan jarraituko den prozeduraren inguruan ere eztabaidatuko dute. Salak kasuak banaka edo denak batera aztertu behar diren erabakiko du, baita osoko bilkura izango den erabakia hartuko duena edo kasu bakoitza eraman duen atala arduratuko den erabaki hori hartzeaz.
Auzitegi Nazionaleko Zigor-arloko Salak bilera egingo du datozen egunetan 'Parot doktrina'ren inguruan Estrasburgoko Auzitegiak eman duen epaia aztertu eta horren inguruko erabakia hartzeko.
Ines del Riok Iruñean igaro du lehen gaua
Ines del Rio ETAko preso ohiak Iruñean igaro du espetxetik kanpo eman duen lehenengo gaua. Oraindik ez da bere jaioterrira joan, Tafallara, bere kasuak hedabideetan piztu duen ikusminagatik, Diario de Noticias egunkariak gaur argitaratu duenez.
Ines del Rio aske utzi zuten atzo, Auzitegi Nazionalak aginduta, espetxean 26 urte eta hiru hilabete eman ondoren.
Auzitegi Nazionaleko Zigor-arloko Salako epaileek aho batez erabaki zuten Ines del Rio aske uztea, Europako Giza Eskubideen Auzitegiaren epaia "argia eta irmoa" zela argudiatuz.
Ines del Rioren zenbait lagun eta senide Teixeiroko espetxera joan ziren, ETAko preso ohiari harrera egiteko. Del Rio 1987. urteko uztailean espetxeratu zuten, 24 hilketa egotzita.
Del Rioren lagun eta senideak gauerdian iritsi ziren Tafallara, eta 50 bat pertsonak hartu zituzten bertan, Azoka tabernan, Diario de Noticias egunkariaren arabera. Del Riok Iruñean eman du gaua, bere ahizpa batekin.
Tafallako Azoka taberna. Argazkia: EITB.
Troitiño ere, aske
Bestalde, Londresko Auzitegi Nagusiak Antton Troitiño baldintzapean aske uzteko agindua eman zuen atzo. Troitiño 2012ko ekainean atxilotu zuten Erresuma Batuan. Erabakia Estrasburgoko Auzitegiak 'Parot doktrina'ren aurkako epaia eman eta hurrengo egunean hartu dute.
John Thomas gorteko presidenteak Troitiño ahalik eta lasterren aske utzi behar dela adierazi du, defentsak eskatu bezala. Troitiñok egunero joan beharko du Londresko polizia-etxe batera.
Halaber, zazpi eguneko epean, Troitiñoren estradizioaren inguruan erabakitzeko eskatu dio Espainiako Justiziari. Denbora horretan erabakirik hartu ezean, defentsaren eta Fiskaltzaren artean hartuko dute erabakia.
Fiskaltzak banan-banan aztertuko ditu
Estrasburgoko Giza Eskubideen Auzitegiak 'Parot doktrina'ri buruz hartutako erabakia aplikatu ala ez kasuz kasu aztertuko du Fiskaltzak, Eduardo Torres-Dulce Estatuko fiskal nagusiaren arabera.
Bien bitartean, atzeraeraginkortasunez 'Parot doktrina' aplikatu zaien 56 giltzapetu "berehala" aske uztea eskatuko dute Ines del Rio ETAko presoaren abokatuek.
Rajoyk biktimak hartuko ditu
Rajoyk atzo arratsaldean hartu zituen terrorismoaren biktimen elkarteetako ordezkariak, Moncloan, 'Parot doktrina'ren inguruko ebazpenaz hitz egiteko.
Horrez gain, biktimen elkarteek deitutako elkarretaratzean parte hartzea aztertzen ari da Alderdi Popularreko zuzendaritza. Dagoeneko, Esperanza Aguirre Madrileko PPko presidenteak iragarri du AVTk deitutako elkarretaratzean parte hartuko duela.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.