Kritika zaparrada Sorturi ezker abertzalearen iragana defendatzeagatik
Hasier Arraiz Sortuko presidenteak astelehenean egindako adierazpenak gaitzetsi dituzte gaur EAJk, PSE-EEk, PPk eta UPyDk. Adierazpen horietan ezker abertzalearen iragana defendatu zuen Arraizek, eta horren azterketa kritikoa egitea baztertu zuen.
Zehazki, Arraizek esan zuen ''demokratikoa ez zen joko batean'' parte ez hartzeko erabakia hartu zuela orain 35 urte ezker abertzaleak, eta erabaki hori ''egokia'' izan zela. Sortuko presidentearen hitzetan, ez daude prest ''egin duguna eta egiten duguna, eta izan garena eta garena berrikusteko''. Halaber, ezker abertzalearen ibilbidea beti defendatuko duela gaineratu zuen.
Hitz horiek kritika zaparrada piztu dute, gainerako alderdien gehiengoaren ustez ezker abertzaleak ETA babestu eta justifikatu izana aitortu behar duelako. Halaber, atzerapausoa direla uste dute.
Hala, Iñigo Iturrate EAJko legebiltzarkideak esan du mezu bikoitza plazaratzen duela Sortuk, hartzailearen araberakoa, eta Arraizen adierazpenak ''akatsa'' izan direla gaineratu du. Iturrateren ustez, ''Sortu abiatu zenetik ezker abertzaleak berak bizi duen prozesuan atzerapausoa'' dira atzoko hitzak.
Sozialisten ustez, ''maltzurkeria'' da ezker abertzaleak ''terrorismoari eskainitako ageriko babesez betetako iragana'' defendatzea.
Borja Semper PPko ordezkariaren ustez, bestalde, onartezinak dira Sorturen presidentearen hitzak, ''ETAri apologia'' egiten diotelako. Terrorismoa babestea egotzi dio Arraizi, eta hitz horiekin ezker abertzaleak ''ETAren iragana bere gain'' hartzen duela uste du.
Gorka Maneiro UPyDko ordezkariak Sortu legez kanpo uzteko prozesua abiatzea eskatu dio Estatutako Fiskaltzari.
Sorturen erantzuna
Sorturen ustez, berriz, arduragabekeriaz aritu dira Semper (PP) eta Iturrate (EAJ), adierazpen horiek baloratzeko iturrietara jo gabe, eta ''El Mundo egunkariak egindako interpretazioari ofizialtasuna maila'' ematea egotzi die.
Albiste gehiago politika
Irailaren 14an independentziaren aldeko manifestazio bat deitu du Ernaik Donostian
"Ekin eta bultza" lelopean, Euskal Herriko independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".
Luberrik Bilboko Konpartsek berriz "baztertu" dutela salatu du, "irizpideak bete arren"
Gazte Koordinadora Sozialistarekin (GKS) lotutako konpartsak jarduerak egingo ditu Aste Nagusian, "normaltasunez parte hartu" ezin duela agerian uzteko eta "bere espazioa" eskatzeko.
Covitek jaietan ETAko presoen aldeko pankartak agertu izana salatu du
Bilboren kasuan, Txoribarrote konpartsak "pankarta handi bat" zabaldu izana kritikatu du Covitek, "Euskal preso eta iheslariak etxera" aldarria idatzita duena. Donostiako Udalak kendu egin ditu hiriko ikastetxe publiko bateko fatxadan zeuden pankartak
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.