Arraizen kontrako salaketa onartu dute, terrorismoa gorasteagatik
Euskal Autonomia Erkidegoko Auzitegi Nagusiaren Arlo Zibileko eta Penaleko Gelak Hasier Arraiz Sorturen presidentearen kontrako salaketa onartu du,ustez terrorismoa gorasteagatik eta biktimak eta euren familiakoak makurrarazteagatik.
Azuriaren jatorrian Arraizek Bilbon azaroaren 18an egindako adierazpen batzuk daude: egun horretan, Santiago Brouarden eta Josu Muguruzaren hilketen urteurrenen harirako mahai-inguru batean, Sortuko presidenteak ezker abertzalearen ibilbideaz eta iraganaz hitz egin zuen.
Salaketa onartzen duen autoak -ostiralean jakinarazi dute auto horrek zer dioen- epai baten aurkako botoa du. Horrek, Fiskaltzak bezala, deliturik ez dagoela uste du. Fiskaltzak berak Dignidad y Justiciaren salaketa baten ondorioz irekitako diligentziak artxibatzearen alde egin zuen.
Ebazpenean, salaketa onartzea "lege-aginduz" egiten dutela zehazten dute, salatutako gertaera ikertzeko asmoarekin eta ezinezkoa delako, oraingoz, adierazpenak zigorra jasotzeko modukoak direnentz zehaztea. Balizko zigor bat izatea bi hipotesitan egon liteke oinarrituta: diskurtsoaren formulazioan bertan (oso erreibindikatzekoa, autoaren arabera) eta “ezker abertzalea” esamoldearen erabilpenean. Horrek, ohikoak izaten diren praktikak kontuan izanik, "ETA erakundearekin erlazionatutako taldeen inguruan" hitz egin zuela esan nahi izan lezake.
Inboluzio estrategia
Amaia Izko Sortuko bozeramaileak “bakearen aurkarien inboluzio estrategiaren” baitan kokatu du Euskal Autonomia Erkidegoko Auzitegi Nagusiaren erabakia.
Prentsa oharrean, “’Dignidad y Justicia’ eskuin-muturreko taldearen” salaketa onartu izana deitoratu du Izkok. “Bakearen aurkariak inboluzio estrategia bat garatzen ari dira euskal gizarteak nahi duen normalizazio politikoa eta elkarbizitza demokratikoa zapuzteko”, adierazi du.
Izkoren aburuz, “euskal gizartearen etorkizuna espetxe-zigorretan eta inposizioan eta ukapenean oinarritu nahi duen estrategia da”. “Adierazpen askatasunaren aurkako erasoa da. Ezin daiteke beste modu batera kalifikatu Sortuk ‘trantsizio demokratikoa’ deitutakoaren inguruan egindako gogoetak epaitegietara eramateak”, gaineratu du.
“Bakearen aurkariek eta epaitegiek ezin dute Euskal Herriko eztabaida politikoa mugatu”, azpimarratu du.
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.