Arraizek ETA goratu ote zuen ikertzen hasi da Fiskaltza
Juan Calparsoro EAEko fiskal nagusiak ikerketa abiatu du Hasier Arraiz Sorturen presidenteak azaroaren 18ko ekitaldi batean egin zituen adierazpenetan ETA goratu ote zuen argitzeko. Harraizek esan zuen ezker abertzaleak "duela 35 urte" hartu zuen erabakia egokia izan zela eta ez dutela iraganean egindakoa errefusatuko edo berrikusiko.
Coviteren salaketa jaso ostean erabaki du Calparsorok ikerketa abiatzea. Biktimen elkartearen arabera, Arraizek ETAren jarduera "justifikatu" zuen, eta hori delitua da, Zigor Kodeko 578. artikuluan agertzen da.
Transkripzioa
Calparsorok abiatuko duen prozesuaren baitan, Arraizen hitzen transkripzioa eskatu du, eta ezker abertzaleko buruzagia deklaratzera deitu ala ez erabakiko du hitzak aztertu ondoren.
Horren aurretik, aste honetan bertan, Maribi Ugarteburu ezker abertzalearen ordezkariak Arraizen adierazpenen transkripzioa aurkeztu zuen prentsaren aurrean, ETAren jarduera goratu izana ukatzeko. Hona hemen Arraizen hitzak:
"Ezker abertzaleak orain 35 urte gaur egun egokitzat daukagun aukera egin zuen. Ez genuen parte hartu demokratikotik ezer gutxi zuen joko batean, eta denbora guzti honetan, ustez demokratikoa den joko horren kontraesanak mahai gainean jartzen aritu gara. Oso garesti ordaindu dugu, eta ez gaude prest orduko ezer berrikusteko edo errefusatzeko. Gure akats guztiak aldarrikatzen ditugu, izan ginena eta garena, eta egin duguna eta egiten duguna.
Egia da bataila hau (kontaketa historikoa) hor dagoela, eta horrek, gehiago edo gutxiago gustatu, iraganeko agertokietara sartzera behartzen gaitu. Argi dago bertan ez dagoela inor erantzukizunetatik aske; gatazka honetan inor ez da izan ikusle, eta mundu guztiak hartu du parte. Denok sufriarazi dugu eta denok sufritu dugu. Guk ez daukagu inongo arazorik gure erantzukizunak aitortzeko; beti egin dugu eta horrek ondratu egiten gaitu".
"Gutxieneko baldintzarik ez"
Fiskaltzaren erabaki honek "oinarrizko eskubideak babesteko gutxieneko baldintzarik" ez dagoela uzten du agerian, Julen Arzuaga EH Bilduko legebiltzarkideren ustez. Arraizen hitzak "manipulatu" egin dituztela adierazi du, goizean Bilbon eskaini duen prentsaurrekoan. "Egungo egoera kezkagarriaren adierazlea da hau guztia", gaineratu du.
Barrenak ilegalizazio saiakera ikusten du
Pernando Barrena Sorturen bozeramailearen ustez, idazkari nagusia ikertzeko prozesua "ilegalizazioen eta eskubide politikoen urraketen garaira itzultzeko saiakera" besterik ez da.
Prentsa-agiri batean azaldu duenez, fiskalak "politika jokoak utzi eta interes publikoa defendatu behar du", eta kasu honetan, interes publikoa "bake prozesua bideragarri egin nahi dutenengan dago".
Barrenaren ustez, "larria" da ikerketa abiatzea, "hirugarren pertsona baten manipulazio interesatuan oinarrituta, Arraizen adierazpenetan oinarritu beharrean". Izan ere, "fiskalak berak aitortzen du ez dakiela Arraizek zer esan zuen, baina ikerketa abiatu du berdin berdin. Harrigarria da".
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.