Garitano: “Igeldoren desanexioak ez du inor kaltetzen”
Martin Garitano Gipuzkoako ahaldun nagusiaren iritziz, Igeldoren desanexioak "ez du inor kaltetzen", eta, alderantziz, herriaren borondatea errespetatzea suposatzen du. Hori dela eta, epaitegietara ez jotzeko eskatu dio Garitanok EAJri.
Igeldok gaur burutu du bere lehen ekitaldi ofiziala herri gisa, eta Gipuzkoako gainerako udalerrietako alkateak eta zinegotziak gonbidatu ditu. Kultur etxean egin duten ekitaldian parte hartu dute Igeldoko Herri Kontseiluko Ramon Urruzkendi eta Gurutze Dorronsoro ordezkariek, Mertxe Aizpurua Udalbiltzako presidenteak eta Astigarraga, Hernani, Alkiza eta Ereñozuko alkateek, besteak beste.
Urruzkendik hartu du hitza Igeldoko Herri Kontseiluaren izenean, eta igeldotar guztiak zoriondu ostean lehen ekitaldi instituzional horren garrantzia azpimarratu du. Jarraian, Andoni Gartzia Astigarragako alkateak hitz egin du eta Astigarraga ere Donostiatik bereizi zela gogoratu du.
Martin Garitano Gipuzkoako ahaldun nagusia ere ekitaldian izan da, eta horren esanetan desanexioarekin Donostiak eta Igeldok biek irabazi dute.
Garitanok Igeldoko eta Donostiako bizilagunak zoriondu ditu. Horren iritziz, Igeldori buruz hartutako erabakiak ez du inor kaltetzen, alderantziz, Gipuzkoako hiriburua "handiagoa" dela uste du herritarren borondatea errespetatzen duen erabakiko demokratiko bat hartzeagatik.Halaber, Igeldoren desanexioa bertan behera uzteko epaitegietara ez jotzeko eskatu dio EAJri.
Ekitaldiaren ondoren, "Zorionak Igeldo, zorionak Donosti, Zorionak Euskal Herria" idatzi du Igeldoko liburu ofizialean.
Bestalde, herriko plazan "Lortu dugu. Igeldoko Udala" zioen plaka bat ere bistaratu du.
Albiste gehiago politika
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.
Marlaskaren esanetan, autonomiek ez zuten Estatuaren laguntza zalantzan jarri Feijook gehiago eskatu zuen arte
Luis Santamaria PPko senatariari erantzunez, Barne ministroak larrialdien alorreko eskumenak zeintzuk diren gogoratu du, eta PPko kideei "baloiak kanpora" botatzea leporatu die.