Barcinak agerraldia egingo du 'Goicoechea auziko' ikerketa batzordean
Juan Jose Lizarbe PSNko burua izango da Lourdes Goicoechea presidenteordearen aurkako akusazioak ikertuko dituen batzordearen presidentea. Nafarroako Parlamentuak gaur goizean eratu du aipatu batzordea.
Talde guztiek babestu dute Lizarbe lantaldeko presidente izatea, UPN izan ezik (abstenitu egin da). Presidentea aukeratu ondoren, atsedenaldia egin dute taldeek, euren proposamenak prestatu ahal izateko.
Besteak beste, Idoia Nieves Ogasun saileko zuzendari ohia, Lourdes Goicoechea Nafarroako Gobernuko presidenteordea edota Yolanda Barcina batzordean agertzea eskatuko dute talde parlamentarioek.
Lantaldean parte hartuko duten ordezkariak nortzun izango diren ere erabaki dute: Carlos García Adanero eta Sergio Sayas (UPN), Pedro Rascon eta Juan Jose Lizarbe (PSN), Maiorga Ramirez eta Bikendi Barea (Bildu), Patxi Zabaleta eta Txentxo Jimenez (Aralar-NaBai), Ana Beltran eta Enrique Marin (PPN), Jose Miguel Nuin eta Txema Mauleon (Izquierda-Ezkerra) eta Manu Ayerdi (Geroa Bai).
Lanak hilaren 28an amaituko dira, eta, ondoren, baliteke PSNk zentsura-mozioa aurkeztea Yolanda Barcina gobernuburuaren aurka. Horren ondorioz, hauteskundeak aurreratu egingo lituzkete, maiatzera. Izan ere, oposizioak babestu egingo luke zentsura-mozioa.
Parlamentuko Mahaiak eta Bozeramaileen Batzordeak erabakita, agerraldiak publikoak izango dira, agerraldiaren protagonistak pribatua izateko eskaera arrazoitua egin ezean. Azken hitza, dena dela, ikerketa batzordeak berak izango du.
Talde parlamentarioek sei agerraldi adostu dituzte. Besteak beste, Yolanda Barcina Nafarroako Gobernuko presidenteak, Lourdes Goicoechea presidenteorde eta Ekonomia kontseilariak eta Idoia Nieves Foru Ogasuneko zuzendari ohiak egingo dute.
Lehen agerraldia Nievesek egingo du, ostiral honetan, 11:30ean. Astelehenean Goicoechearen txanda izango da (17:00), eta, asteartean, Barcinarena (10:00).
PSNren balizko zentsura-mozioak polemika piztu du Madrilen, sozialistek Bildurekin adostu dutelakoan.
Hori horrela, Juan Jose Lizarbe PSNko bozeramaileak nabarmendu du sozialistek ez dutela inorekin negoziatu, "ezta Bildurekin ere".
Bakartxo Ruiz Bilduko bozeramaileak "ustelkeria goratzea" egotzi dio UPNri, eta zentsura-mozioa aurkeztea eta hauteskundeak aurreratzea "herritar gehienen nahia" dela esan du.
Carlos Garcia Adanero UPNko bozeramailearen esanetan, "Bildu ezin da egon Gobernuan, minutu bakar bat ere".
Bestalde, Javier Morrás Nafarroako Gobernuko Justizia kontseilariaren hitzetan, bateragarria da Lourdes Goicoechea Ekonomia kontseilaria eta enpresa pribatu baten administratzailea izatea.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.