Pablo Haselek adierazpen askatasuna aldarrikatu du ANko epaiketan
Pablo Rivadulla 'Pablo Hasel' ezizenez ezagututakoak ukatu egin du gaur, astelehena, Auzitegi Nazionalean bere abestiek terrorismoa goratzen dutenik, ez biktimak umiltzen dituztenik, eta bi urteko kartzelaldia eskatu duen fiskalari zera esan dio: "Hiltzen banaute, ospatzeko askatasun osoa daukazu".
Akusatua 25 urteko lleidarra da eta 2011ko urriaren 4ean atxilotu zutenetik behin behineko askatsunean egon da. Haselek onartu du akusatzeko oinarritu diren abestiak idatzi izana; Fiskaltzaren iritzian terrorismoa goratzen dute, gehien bat GRAPO taldea goraipatu, baina GRAPO ez ezik, ETA, Al Qaeda, Terra Lluire eta RAF taldeak ere goraipatu izan ditu, Fiskaltzaren arabera. Haselen abokatuak absoluzioa eskatu du, adierazpen askatasuna eskatuz.
Pablo Haselek, halaber, baieztatu egin du ez zituela bere abestiak interneten hedatu terrorismoa goratzeko, "edozein artistak egiten duen bezala" bere lana zabaltzeko baizik, eta azpimarratu du ideia komunistak adierazteko askatasun osoa duela.
Haselen iritzian, zigortzen badute, 'El Che'ri buruzko pelikulen, esaterako, zuzendariak, Marxen inguruko liburuen egileak eta "etorkinen erailketak ospatzen dituztenak" ere epaitu beharko lituzkete.
Fiskaltzak salatu duenez, Youtubera zenbait bideo igo zituen, aipatutako banda terroristen, eta horietako kide batzuen goraipamenekin, esaterako Manuel Perez Martinez 'Camarada Arenas' GRAPOko kidea.
"Hiltzen banaute, ospatzeko askatasun osoa daukazu, eta nik ez dut zu kartzeleratzea eskatuko" esan dio fiskalari, gainera, nabarmendu du GRAPOko kideak terroristatzat ez jotzeko askatasun osoa duela.
"Inork ez dit esan behar nor miretsi eta nor jo behar dudan heroitzat", esan du 'Camarada Arenas'en inguruan galdetu diotenean.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.