Urkullu: 'Presoek min injustuaren aitormena egin behar dute'
Iñigo Urkullu lehendakariaren iritziz, bakegintzarena "estatu politika baten eskutik" egin behar den ibilbidea da eta, horrenbestez, "Espainiako Gobernuak ere parte hartzeko borondatea erakutsi beharko luke". "Eta ez badu egiten, utz gaitzala guri", gaineratu du.
Euskadi Irratiari eskainitako elkarrizketan, lehendakariak esan du bakegintzarena ez dela "soilik euskal alderdi eta erakundeei" eragiten dien gai bat: "Estatuari ere eragiten dio".
Horregatik, bakea lortzeko bide horretan ezin da beti "beste aldera" begira egon, azpimarratu du, eta "Estatu politika baten eskutik" konpondu beharreko arazoa dela gaineratu du.
Adibide moduan, ETAren desarmeari aurre egiteko Ertzaintzaren parte hartzea eskaini du Urkulluk, baina horrek "berme legal" zehatz bat beharko lukeela azaldu du. "Adostasuna lortu beharko genuke Espainia eta Frantziarekin".
"Nik ez dakit armak non dauden, Hegoaldean edo Iparraldean, Espainiako edo Frantziako Estatuan; beraz, horrek legedi bat behar du eta prozesu horretan zein indar polizialek parte hartzen duten argitu beharko genuke". "Gu prest gaude", gaineratu du.
ETAko presoen eskaerak
Gaixo dauden ETAko presoek eta 70 urte baino gehiago dituztenek, lehenengo aldiz banan-banan, Euskal Herriko kartzeletara ekartzea eskatu dute, eta, kasu batzuetan, kartzelatik ateratzea. Eskaerak astelehen honetan izapidetzen hasi dira, eta datozen asteetan ere hori egiten jarraituko dute.
Eskaera horien harira, Urkulluk esan du ez duela eskaera "testualki" ezagutzen, baina ETAko presoek "zer egin duten eta zer nahi duten" argi esan behar dutela gaineratu du. Hala ere, lehendakariak esan du presoek egindako eskaeran "eragindako min injustuaren aitormena" ere badagoela. "Presoek egin beharreko bidea egin behar dute, eta egindako kaltearen aitormena gakoa da".
Horrez gain, maiatzean Europako hauteskundeak izango direla eta, datorren urtean ere hauteskundeak egingo direla gogoratu du lehendakariak. "Niri ez litzaidake gustatuko presoek eskaera hori helburu elektoral batekin planteatzea", adierazi du. "Gai hau hauteskundeen testuingurutik atera beharreko gaia izan beharko litzatekeela uste dut", esan du Jaurlaritzako buruak.
Desarmea
ETAren desarmearen inguruan, otsailean egindako "urrats txikiaren" ondoren, hurrengo "keinua", Urkulluren ustez, "armagabetze osoa" izan beharko litzatekeela.
ETAren amaiera "ordenatuak" Espainiarekin eta Frantziarekin adostasuna beharko duela adierazi du lehendakariak, eta Jaurlaritzak Bakegintza Plana dagoeneko martxan jarri duela gogoratu du. "18 ekimen ditugu, eta horietatik gehienak abian dira jada".
Plan horretan, Jaurlaritzak adierazi du "ETA dela errudun bakarra" eta "ETAk duela gizartearekiko zorra". "Bera da zordun bakarra", gaineratu du lehendakariak.
Zure interesekoa izan daiteke
Rosa Zarra poliziaren ekintzaren biktima izan zela aitortu izana baliogabetzeko eskatu du Esanek
"Ekintza hau irain onartezina da ertzainentzat, egiaren aurkako iraina eta iraganeko manipulazio politikoa, euskal polizia kriminalizatzeko eta justiziak duela hamarkada batzuk itxi zituen zauriak berriz irekitzeko helburu bakarrarekin", dio Esanek.
Lore eskaintza, Eusko Legebiltzarrean, Memoriaren Eguna ospatzeko
EAJko, EH Bilduko, PSE-EEko eta Sumarreko legebiltzarkideek lore eskaintza egin dute biktimei eskainitako "Gauerdiko Iparrorratza" eskulturaren aurrean. PPk eta Voxek ez dute parte hartu, horrelako ekintzek biktima mota eta indarkeria mota desberdinak "nahasten" dituztelako. Lore eskaintzaren ostean, Etxeratek salbuespen politikek eragindako biktimak omentzeko egin duten bilkuran parte hartu dute EH Bilduko legebiltzarkideek.
Perez Iglesiasek "arrazionaltasun" falta ikusten du EHUren eskaeretan, eta zalantzan jartzen du "adostasunerako tartea" dagoenik, "hain maximalistak" izanda
Eusko Jaurlaritzako Zientzia, Unibertsitate eta Berrikuntza sailburu Juan Ignacio Perez Iglesias EHUko errektore Joxerramon Bengoetxearekin izango duen bilerara joango da, "guztiaz hitz egiteko", esan duenez, eta, bere ustez, EHUren eskarietan falta den "arrazionaltasuna sartzeko" asmoz, "zenbatekoari, prozedurei eta epeei" dagokienez. Hala ere, onartu du kezkatuta dagoela "zein den benetan akordioak" lortu ahal izateko "marjina" hain "planteamendu maximalistarekin". Bengoetxeak euskal unibertsitate publikoaren finantzaketari buruz egindako adierazpenak direla eta, azken egunotan EHUko errektorearekin izandako desadostasunen ondoren, sailburuak azaldu du, Radio Euskadiri eskainitako elkarrizketa batean, "askotan" komunikatu direla biak, eta "tonua murrizteko beharra" aipatu dutela. Jatorrizko adierazpenak, gaztelaniaz.
Albiste izango dira: Memoriaren eguna, COP30 goi bilera Brasilen eta azaroaren 25eko kanpainaren aurkezpena
Gaurkoan Orain-en albiste izango direnen laburpena, bi hitzetan.
Aste erabakigarria eskualdatzeko dauden transferentziak ixteko
Eusko Jaurlaritzak eta Espainiako Gobernuak bilerak egingo dituzte asteartean eta asteazkenean, eskualdatzeko dauden eskumenei buruz lan egiteko. Maria Ubarretxenak nahi du urrian aurkeztutako hamar proposamenei lehen erantzuna ematea eta urtea amaitu baino lehen eskualdaketak bizkortzea.
Memoriaren Eguna ospatuko da gaur, eta Eusko Legebiltzarrean eta euskal hiriburuetan ekitaldi instituzionalak egingo dira
Memoriaren Eguna ospatuko da gaur, eta hainbat ekitaldi instituzional eigingo dira terrorismoaren eta indarkeriaren biktimak oroitzeko. Eusko Legebiltzarrak omenaldiarekin irekiko du jardunaldia, 10:00etan, eta, ondoren, Eusko Jaurlaritzak eta Gogora Institutuak ekitaldi nagusia antolatu dute Gasteizen, eguerdian.
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".