Urkullu: 'Espainia bat eta bakarra ez dela onartu behar dute Madrilen'
Iñigo Urkullu lehendakariak esan du "Espainia bat eta bakarra, handia eta askea zeneko garaia iragana" dela, eta "euskal naziotasuna" onartzeko eskatu du. Hori dela eta, "elkarrizketa, negoziazio, akordioa eta berrespena ekarriko dituen formula demokratikoa" bultzatzeko deia egin du"; izan ere, hori da Euskadi, Katalunia, Eskozia eta Flandriaren "aukera" Europan.
2014ko Aberri Egunaren ospakizunetan, EAJk Bilboko Plaza Barrian egindako ekitaldi politikoan hitz egin du Iñigo Urkullu lehendakariak, eta esan du, Madrilen “bi aukera” dituztela. Batetik, "ezetz esatea", eta bere ustez "hori ez da konponbidea, arazoa luzatzea, atzeratzea eta handiagotzea baizik". Eta bestetik, "entzutea, begiak zabaldu eta errealitateari begiratzea, eta Espainia bat eta bakarra ez dela onartzea".
Euskal herritarrak “estatuak sortu baino lehenagokoak” direla esan du lehendakariak, eta gaineratu du Euskadik Europa gehiago behar duela “orainerako eta etorkizunerako, Euskal Herrian adostu eta erabakiko den etorkizunerako”. "Euskadi, Europako Nazio. Hori da gure historiaren une erabakigarri honetan nahi duguna", azpimarratu du.
Ildo horretatik, Gernikako Estatutua Euskal Autonomia Erkidegoan onartu zela gogorarazi du. Ordutik euskal herritarrek "hamaika modutan eskatu dute Estatutua betetzea, eta Madrilen ezetz esaten dute", gehitu du.
"Hemen Estatus Politiko Berria erabaki genuen. Madrilera eraman eta ezetz esan ziguten. Konstituzioaren erreforma proposatu genuen, Estatuko naziotasun ezberdinak onartzeko. Madrilera eraman eta ezetz esan ziguten", esan du.
Urkulluren hitzetan, argi dago Espainian arazo bat dutela, eta ezetz bakarrik esaten dakitela. "Ez gara geldituko, ez dugu etsiko. Hori pentsatzen duenak ez du herri hau ezagutzen", ohartarazi du.
Lehendakariak baieztatu duenez, Legebiltzarraren Autogobernurako lantaldean Estatus Politiko Berri bat lortzeko aukera dago orain, baina horretarako "elkarrizketa eta negoziazioa beharko da, garai berri honen neurrira eginda egongo den adostasun politikoa lortzeko ".
Albiste gehiago politika
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.