Erabakitzeko eskubidea eta burujabetza aldarrikatu dituzte Larresoron
Euskal Herriaren erabakitzeko eskubidea gauzatzeko eta Europan nazio burujabea lortzeko lan egingo dutela adierazi dute Sortu, EA, Aralar, Alternatiba eta Abertzaleen Batasuna alderdiek. Halaber, "irabazlerik eta galtzailerik gabeko bakea" babestu dute.
Aipaturiko alderdi politikoek Aberri Egunaren bezperan Larresoron antolatu duten ekitaldian parte hartu dute, "Euskal Herrian erabaki, Zazpiak bat" lelopean. Anita Lopepek (Sortu) eta Rebeka Uberak (Aralar) hitz egin dute ekitaldi politikoan.
Ekitaldia hasi aurretik, "anbiguetate eta hitz hutsen gainetik, Euskal Herriaren erabakitzeko eskubidea gauzatzeko" lan egingo dutela nabarmendu du Rebeka Uberak. Halaber, Euskal Herria Europako eta munduko nazio burujabea izan dadin lortzeko, euskal bidea bultzatuko dutela adierazi du. Bestalde, euskara lurralde guztietan ofizial izango duen Euskal Herri baten alde egin du.
Irabazlerik eta galtzailerik gabeko bakea babestu du, eta gizarte justizian oinarritutako eredu ekonomikoa eraikitzearen alde agertu da.
Bihar Iruñean
Sortuk, EAk, Aralarrek, Alternatibak eta Abertzaleen Batasunak "Euskal Herrian erabaki. Zazpiak bat!" goiburuarekin ospatuko dute 2014ko Aberri Eguna. Bost alderdiak igandean Iruñean bilduko dira Aberri Eguna ospatzeko.
Independentistak Sarearen ekitaldiekin bat egingo dute Sortuk, EAk, Aralarrek, Alternatibak eta Abertzaleen Batasunak. Egun osoko egitaraua izango da. Eguerdiko 12:00etan martxa egingo dute, Golem zinema-aretoen kanpoaldean hasi eta Sarasate pasealekuraino. Ondoren, ekitaldi politikoa egingo dute han, eta ospakizunak segida izango du egun osoan: herri-bazkaria Anaitasuna kiroldegian, eta "Indefesta" arratsalde eta gauean, Iruñeko Alde Zaharrean.
Zure interesekoa izan daiteke
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidosko langile eta zuzendarien arteko bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxeari agurra egiteko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango diote azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.