Gobernuak adingabeen babesaren marko juridiko berria onartu du
Gobernuak adingabeen babesarekin zerikusia duen lege taldearen bi lege aurreproiektu onartu ditu, anparatzeko prozesuak arintzeko eta abusu sexualen eta genero-indarkeria egoeren aurrean dauden adingabeen babesa indartzeko.
Beste lege batzuen artean, Kodigo Zibila, Nazioarteko Adopzioa eta Genero-Indarkeriaren aurkako Neurri Integralak erreformatuko dituzte, 2013-2016 Haurtzaroa eta Gaztaroa Planean onartutako neurriak garatzea ahalbidetzeko.
Erreforma "handi" honek "adingabeen interes nagusia lehen lekuan jartzen du", azaldu du Soraya Saenz de Santamaria Gobernuko presidenteordeak, Ministroen Kontseiluaren ostean.
Erregulazio berriak askatasun sexualaren edota adingabeen esplotazioaren aurkako delituengatik zigortutako pertsonei haurrekin kontaktua duten lanak garatzea debekatuko die, eta agintariak, funtzionarioak eta profesionalak fiskalaren aurren bere jardunbidean ezagutzen dituzten abusuak salatzera behartuko ditu.
Guraso biologikoekin harremana mantentzea ahalbidetuko duen adopzio irekia erregulatzen du, haurrak indarkeria matxistaren biktimatzat hartzen ditu eta biktima edo lekuko moduan hainbat deklarazio judizialetan agerraldia egin beharra ekiditea erregulatzen du.
Ana Mato Osasun, Zerbitzu Sozial eta Berdintasun ministroak azaldu duenez, onartutako aurreproiektuak autonomia erkidegoen arteko batasunaren emaitza izan dira, Justizia Ministerioaren partaidetzarekin, gaineratu du.
Espainian ia 35.000 adingabe daudela azaldu du administrazioetan babespean edota zaintzapean, horietatik 21.000k babesa jasotzen dute, eta 14.000 erresidentziatan daude, familiak iristearen zain.
Zure interesekoa izan daiteke
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.
"Mina minaren gainean" eragitea egotzi dio Rosa Zarraren familiak Atutxari
Joan den asteburuan ETBn egindako elkarrizketan, Barne sailburu izandakoak esan zuen Zarraren familiari barkarmena eskatzeko arazorik ez zuela, baina zehaztu zuen ETAk hildako 15 ertzaintzen familiek ere zerbait entzun nahiko luketela. "Gauza asko sartu beharko genituzke pakete horretan", adierazi zuen.
Otegik dio sailburuarekin baieztatu ondoren zabaldu zutela txertoen gaineko informazioa
EH Bildu arduraz aritu dela afera honetan jakinarazi du Arnaldo Otegik, haurrei eragiten dien arazoa delako. Sailburuarekin hitz egin ondoren errejistratu zituztela galderak Legebiltzarrean azaldu du.