Bilduk, EAJk, PSEk eta PPk bat egin dute, Donostia 2016 babesteko
Bilduren Udal Gobernuak eta gainerako talde politikoek (EAJ, PSE-EE eta PP) adierazpen bat onartu dute gaur udalbatzan, aho batez, 2016. urtean Donostian Europaren Kultura hiriburua izateko proiektuarekin (DSS2016) konpromisoa agertzeko.
Juan Karlos Izagirre alkateak, Naiara Sampedro eta Iosu Ruiz zinegotziek eta Eneko Goia, Ernesto Gasco eta Ramon Gomez EAJko, PSE-EEko eta PPko bozeramaileek prentsaurrekoa eskaini dute gaur DSS2016 espazioan, eta, horrela, mezu "argia" ematen saiatu dira: "Donostia 2016 arrakastatsua izan behar da eta horretarako denok bat egin behar dugu".
Adierazpenean, udal taldeek proiektuarekin aurrera egiteko "apustua eta konpromisoa" agertu dute, betiere "adostasun politikoa eta herritarren parte-hartzea oinarri hartuta".
Halaber, "egungo zailtasunak gainditzeko talde politiko guztien parte-hartzea" behar dela nabarmendu dute, proiektua "arrakastatsua" izan dadin.
Azkenik, adierazpen bateratuak "akordioa oinarri" lan egiteko deia egiten die Donostia 2016 Fundazioa osatzen duten erakunde guztiei (Udala, Aldundia, Espainiako Gobernua eta Eusko Jaurlaritza), proiektuak "beharrezkoak diren baliabideak" izan ditzan.
Jose Maria Lassalle Espainiako Gobernuaren Kulturako Estatu idazkariak egindako adierazpenen aurrean (proiektuak porrot egingo duen beldur agertu da), Izagirrek "batasun irudia" eman nahi izan du. Gainera, DSS2016 proiektuan ez dagoela inor "soberan" aldarrikatu du, "denon artean" gauzatu behar baitute.
Bestalde, Gascok DSS2016 proiektua "sorburura" itzuli behar dela aldarrikatu du, eta "denak" eskuzabal izan behar direla gaineratu du. "Batez ere Bildu, agintean dagoelako", azpimarratu du. Horren esanetan, "indarrak batzeko" unea heldu da, proiektuak aurrera egin dezan.
Ramon Gomezek ere batasuna alkdarrikatu du, Udalaren kudeaketak "porrot" egin duela uste badu ere. PPko bozeramailearen esanetan, "norabidea zehaztu" egin behar dute, "erabakiak azkar adostuz", Europa "lasaiago" egon dadin.
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.