Biktimentzako banakako omenaldiak proposatu ditu Eusko Jaurlaritzak
Azaroaren 10ean, Memoriaren Egunean, EAEko udalerri guztiek terrorismoaren biktimak gogoratzeko proposatu du Eusko Jaurlaritzak. Bakegintza eta Bizikidetzarako Idazkaritza Nagusiak "Memoriaren Mapa amaituz. Terrorismoaren eta indarkeriaren biktimak oroitzeko eta aitortzeko jarduerak udal esparruan garatzeko iradokizunak" dokumentua igorri die Eudel Euskadiko Udalen Elkarteari eta Eusko Legebiltzarrari, eta horixe da dokumentuak jasotzen duen neurrietako bat.
Horren harian garatuko diren jardueren inguruan udaleko indar politikoen artean "elkarrizketa eta adostasuna sustatzea'' gomendatzen du dokumentuak. Halaber, ahalik eta adostasun handiena bilatuta, erakundeek biktimak oroitzeko eguna azaroaren 10a izatea proposatzen du. Gainera, hildako pertsonen udalerrietan, biktima bakoitzarekin (familiak nahi badu), hilketaren egunarekin bat, oroitzeko eta aitortzeko erakunde-ekintza pertsonalizatu bat egitea gomendatzen du.
Lehen urtetik aurrera, biktimak oroitzeko eta aitortzeko jarduerak Memoriaren Egunaren ekitaldietan sartzea gomendatzen du, bai eta adostasuneko oroimen-erreferente bat sortzea toki-esparruan ere; erreferente hori udalerriko plaza bat, parke bat, eskultura bat edo toki enblematiko bat izan daiteke.
Memoriaren Mapa
Memoriaren Mapa ekimena 2009ko azaroan sustatu zuen Eusko Jaurlaritzak, Euskal Autonomia Erkidegoko (EAE) udalerri bakoitzean bertan bidegabe hil zituzten pertsonak gogoratzeko guneak eta oroimeneko ekintzak egitea sustatze aldera. Aldi berean, indarkeriaren aurkako eta bizitza defendatzearen aldeko memoria kritiko bat bultzatzeko erakundeen betebeharra betetzeari ere erantzuten dio Memoriaren Mapak.
Eusko Jaurlaritzaren 2013-2016 Bake eta Bizikidetza Planaren IV. ekimenaren barruan (biktimei babesa, errekonozimendua eta ordaina emateari buruzkoan) kokatzen da Memoriaren Mapa. Hain zuzen ere, oraingo ekintzen jarraipenaren esparruan kokatzen da.
''Terrorearen mapa'' ari da prestatzen Covite
Consuelo Ordoñez Covite Euskadiko biktimen elkarteko presidenteak iragarri duenez, ''Terrorearen mapa'' ari da prestatzen elkartea, bertan Madrilen egindako atentatuak ere biltzeko.
Ordoñezek azaldu duenez, uda aurretik aurkeztuko dute Madrilen mapadelterror.com. Horren bidez, ETAren, GALen, Batallón Vasco Españolen eta eskuin muturreko taldeen hilketak bildu nahi dituzte
Coviteren asmoa da ''Terrorearen mapa'' hori Espainiara, Frantziara eta Europara ere zabaltzea.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.