BJKNko sei kidek Noos kasuko fiskalaren aurka egiteko eskatu dute
Botere Judizialaren Kontseilu Nagusiko sei kide progresistak Pedro Horrach Nóos kasuko fiskalaren aurkako neurriak hartzeko eskatu dute, Castro epaileak Cristina infanta inputatu ostean jarritako helegitean egindako akusazioengatik.
Botere Judizialaren batzorde iraunkorrak bihar 17:00etan egingo duen bileran erabakiko du zer egin, erakundeko iturriek adierazi dutenez.
Kontseiluko kideek BJKNri eskatu diote "beharrezko errespetua eta zintzotasun instituzionala" mantendu behar dutela bi aldeek, eta "epaile eta magistratuen lan judiziala" ezin dutela "gutxietsi".
Roser Bach, Victoria Cinto, Clara Martinez de Careaga, Rafael Mozo, Concepcion Saez eta Pilar Sepulveda dira idazkia sinatu duten kideak, eta fiskalak Castro epaileari jarritako helegitean egindako akusazioengatik "kezkatuta" agertu dira.
Ostegunean, Pedro Horrach Ustelkeriaren aurkako fiskalak adierazi zuen Noos kasuko epaileak "susmo hutsengatik" mantendu zuela Espainiako Erregearen arrebaren inputazioa. Gainera, "hedabideen eraginagatik kutsadura judiziala" jasan zuela esan zuen, eta errugabea zela erakusten zuten frogak albo batera utzi zituela.
Fiskalaren arabera, epaileak "sendotasun itxura faltsu baten azpian" eraiki du infanta inputatzeko hezurdura guztia, eta "brisa leun batek" eraitsiko luke, "baliorik ez duten" hiru oinarri baititu: Aizooneko kide izatea, Iñaki Urdangarinen emaztea izatea eta % 50ean berea den enpresa baten diruarekin gastu pertsonalak ordaintzea.
Castro epaileak kazetariei adierazi dienez, fiskalak "prebarikazioagatik kereila bat" jarri beharko luke bere aurka, delitua egin duela uste badu, Cristina infantaren inputazioaren aurka jarritako helegitean erakusten duen moduan.
Zure interesekoa izan daiteke
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.
Ezkortasuna alboratu eta Europan lidergo berri bat eraikitzeko deia egin du Arancha Gonzalez Layak
Arancha Gonzalez Laya Espainiako Gobernuko Kanpo Arazoetako, Europar Batasuneko eta Lankidetzako ministro ohiak Europan araudi juridiko bateratuak sortzeko eta "zatiketak" saihesteko deia egin du. Gonzalez Laya hizlari gonbidatua izan da Zedarriak Foroaren urteroko gosari-solasaldian.
Alfredo de Miguel Arabako EAJren buruzagi ohiak hirugarren gradua lortu du
Euskadin izandako ustelkeria sare handienaren buruak hirugarren gradua lortu du, bi urte eta erdi espetxean eman ostean (12 urteko kartzela-zigorra ezarri zioten). Baimen horri esker, astelehenetik ostegunera espetxetik aterako da lan egiteko, eta bertara itzuliko da lo egitera.
Pradalesek barkamena eskatu du iraungitako txertoengatik eta hitzeman du "erantzukizuna" norena den argitu egingo dela
Lehendakariak bere esku dagoen guztia egingo duela agindu du, "horrelako egoera bat berriro gerta ez dadin" eta "beharrezkoa balitz, erantzukizunak argitzeko".
Gorenak Auzitegi Nazionalaren esku utzi du Abalos, Cerdan eta Garciaren gaineko ikerketaren zati bat
Ministro ohiak diputatu aktari utzi ostean, hura ikertzeko eskumenik ez duela iragarri du Gorenak. Koldo auziaren pieza nagusiak, baina, haren esku jarraitzen du.
EAJ "antifaxisten kontrako kriminalizazio kanpaina" egiten ari da, Gazte Koordinadora Sozialistaren aburuz
Euskadi Irratian egindako elkarrizketan Joanex Artola GKSko kideak adierazi duenez, falangistak Gasteizko kaleetan egon izana EAJren "ardura izan zen, eta hori ezkutatzeko estrategiatzat" jo du "antifaxistak kriminalizatzeko kanpaina".
Zaldibarko EH Bilduk babes osoa agertu dio Arantza Baigorri alkate ohiari, eta "inpartzialtasuna" eskatu du
EH Bilduren esanetan, "lurralde antolamenduarekin lotutako auzi honek ez du zabortegiaren amiltzearekin zerikusirik". Horren ustez, "amiltzearekin lotzeko saiakerek desitxuratzea dute helburu eta erabat lekuz kanpo daude".
Andueza "espainolistatzat" jo du Arrizabalagak, Pasaiako portuaren aferagatik EAJk eta PSEk duten sesioan
PSE-EEko idazkari nagusiak joan zen ostiralean adierazi zuenez, "EAJk Pasaiako portua lehiaketako elitetik atera nahi du, hiruzpalau maila azpitik joka dezan".
San Sebastian egunean ETAko bi preso ohiri egindako "ongietorria" salatu du Covitek
Terrorismoaren biktimen elkartearen arabera, 2022tik izan den lehen ongietorri publikoa da.