Martin Schulz izendatu dute Europako Parlamentuko presidente
Martin Schulz Europako Parlamentuko presidente izendatu dute. Bigarren legegintzaldia egingo du kargu horretan. Bozketan 723 eurodiputatuk hartu dute parte eta sozialdemokrata alemaniarrak 409 boto jaso ditu.
Schulz presidente aukeratuko zutela jakina zen, sozialdemokratak (S&D), popularrak (Europako Alderdi Popularra) eta liberalak (ALDE) akordioa erdietsi zutelako.
Europako Parlamentuaren historian lehendabiziko aldia da presidente batek kargua errepikatzen duela.
Ganberan egin duen agerraldian, Schulzek esan du "gazteen langabezia dramatikoa" dela eta egoera horri buelta emateko lan egingo duela azpimarratu du, “itxaropen eza demokraziari mehatxu egiten ari baitzaio”.Euroeszpetikoen kopuruak gora egin duen legegintzaldi honetan, legearekiko eta gizakion duintasunarekiko errespetuz lan egiteko deia egin du.
"Gizakiaren duintasuna zalantzan jartzen duenak, Europako Parlamentua aurrez aurre izango du", ohartarazi du.
Martin Schulzenaz gain, Europako Parlamentuko presidente izateko beste hiru hautagaitza ere aurkeztu dira: Pablo Iglesias Podemoseko buruzagiarena, Europako Ezkerraren izenean; Sajjad Karim britainiarrarena, Kontserbadoreen eta Europako Erreformisten izenean; eta Ulrike Lunachek austriarrarena, Berdeen izenean.
Iglesiasek eta Lunacek 51na boto eskuratu dituzte; Karimek, berriz, 101 eurodiputaturen babesa jaso du.
Hitzarmena
Popularrek eta sozialdemokratek lortutako akordioaren arabera, txandakako presidentetza izango da, hau da, Schulz bi urte eta erdiz izango da Ganberako presidentea eta ondoren beste batek hartu du haren tokia.
Azken hamarkadatan ohikoa izan da txandakako presidentziaren aldeko apustua Europako Parlamentuan.
Schulzen izendatzea bermatuta zegoen bilkura hasi aurretik, popularrak, sozialistak eta liberalak akordio batera heldu zirelako, "Europaren aldeko" gehiengoa osatzeko eta euroeszeptikoen gorakada "gelditzeko" asmoz.
Trukean, Jean-Claude Juncker Luxenburgoko lehen ministro ohiak Europako Batzordeko presidente izateko aurkeztutako hautagaitza babestuko dute sozialistek eta liberalek.
Juncker Europako Batzordeko presidente izendatzeko bilkura uztailaren 16an izango da.
Varcarcel, presidenteorde
Bestalde, Ramon Luis Varcarcel Europako Parlamentuko presidenteorde izendatu dute lehen itzulian. 14 presidenteordetako bat da Alderdi Popularreko eurodiputatua eta aldeko 406 boto jaso ditu.
Laugarren presidenteorde bozkatuena izan da Varcarcel. Boto gehien Antonio Tajanik italarriak lortu ditu (452), ondoren Mairead McGuinness irlandarrak (441) eta ondoren Rainer Wieland alemaniarrak (437).
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.