Masek Kontsulta egingo dela ziurtatu die Gobernuko kideei
Artur Mas Kataluniako presidenteak Gobernuko 250 goi-kargudun bildu ditu astelehen honetan, ikasturte politikoari hasiera emateko, eta, galdeketa egingo dela baieztatu die.
Erronka berri honi aurre egiteko "prest gaude", azaldu du bilera ostean Farncesc Homs, Kataluniako Gobernuko bozeramaileak kazetarien aurrean. Mas-ek argi utzi du "ziur dagoela" azaroaren 9an herri galdeketa egingo dela eta irabazteko aukerak daudela, esan du bozeramaileak.
Anna Simó ERCko bozeramaileak, berriz, "hartutako konpromisoak betetzeko" eskatu dio CIUri eta azaroaren 9an egingo den autodeterminazio galdeketari babes zorrotza adierazteko eskatu dio.
"Galdeketa legala eta adostua izango da", azpimarratu du Simo-k, izan ere, Auzitegi Konstituzionalak ez du Kataluniako estatutuaren eta Konstituzioaren neurrikoa den botaketa bertan behera uzteko legezkotasunik.
Josep Rull CDCko koordinatzaile nagusiak, berriz, Auzitegi Konstituzionalak herri galdeketa geldiarazten badu, hurrengo egunean haren alderdia ez dela “besoak gurutzatuta geratuko” jakinarazi du eta azaroaren 9an kontsulta egiteko lanean jarraituko duela azaldu du.
Katalunia "aukerak" ematen ari dela eta kontsulten legea ez dela arazo bat, “arazoaren konponbidea baizik, abagune bat” esan du Rullek, izan ere, “legearen barruan dago”.
Soraya Sáenz de Santamaría: "Balio konstituzionalari dagokionez ahulduta jaio da Kontsulten legea"
Soraya Sáenz de Santamaría presidenteordeak Auzitegi Konstituzionalak galdeketaren aurrean hartutako erabakia errespetatzeko eskatu dio Artus Mas, Kataluniako presidenteari.
Irizpenekin oraindik ez badago ere, balio konstituzionalari dagokionez kontsulten legea oso "ahulduta" jaio dela esan du Saenz de Santamariak, eta hori dela eta, Kataluniako Parlamentuak "gogoeta" egingo duela espero du.
Alicia Sanchez Camacho Kataluniako PPko buruak, Auzitegi Konstituzionalak galdeketa bertan behera uzten badu, ia hautestontziak jarriko dituen galdetu dio Artur Mas presidenteari. Camachok, gainera, galdeketa legez kanpo dagoela nabarmendu du.
Miquel Iceta PSCko lehen idazkariak, bere aldetik, esan du, nahiz eta haren alderdiak Kataluniako kontsulten legea babestu, hau "hobetzeko" lanetan dabilela, Berme Kontseiluak galdera bikoitza gehitu dezan.
Albiste gehiago politika
Konstituzionalak amnistia babesteko arrazoiak: Kataluniako prozesu independentista "krisi politikoaren kasu paradigmatikoa" izan zen
Konstituzionalak ezustekorik gabe atzera bota du PPk aurkeztutako helegitea, baina ebazpenak berrikuntza batzuk ditu, besteak beste, amnistia justifikatzeko arrazoibidea sendotzea.
2030erako Turismo Plan Estrategikoak Gipuzkoaren eta lurraldean bizi diren pertsonen zaintza du ardatz
'Zatoz eta zaindu' goiburua duen planarekin, "bizikidetza osasuntsua" bultzatu da turismoaren esparruan, izan ere, BPGren % 8,4 dagokio sektoreari eta 40.000 familia baino gehiago enplegatzen ditu. Bost ardatz estrategikotan sostengatzen da Aldundiak diseinatutako plana.
Bilbok Basque Segurtasun Foroaren lehen jardunaldia hartuko du astelehenean, Euskadiko segurtasuna birdefinitzeko
Euskalduna Jauregia izango da Eusko Jaurlaritzak segurtasun integraleko eredu berria eztabaidatzeko eta eraikitzeko bultzatutako ekimenaren agertokia. Erakundeetako, enpresetako, gizarteko eta hezkuntzako ordezkariek parte hartuko dute.
1978ko sanferminetako dokumentuak desklasifikatzeko eskatu du Kongresuak
EH Bilduk bultzatutako legez besteko proposamenak 1968ko Sekretu Ofizialen Legea aldatzea eskatzen dio Jaurlaritzari, baita gertatutakoa argitzen eta biktimak aintzatesten laguntzea ere.
Babes-helegiteak ebatzi arte zain egon beharko dute Puigdemontek eta Junquerasek
Konstituzionalak Amnistiaren Legea babestu izanak ez du bi politikarien egoera praktikan aldatzen. Presidente ohiaren abokatuak hurrengo egunetan helegitea jarriko duela adierazi du. Junquerasek, berriz, jarrita dauka berea, eta Konstituzionalaren pausoa txalotu duen arren, salatu du Auzitegi Gorenak ez duela legea aplikatu nahi.
Martinezek eragile politiko eta sozialen "konpromisoa" eskatu du Osasun Ituna adostasun zabalarekin ixteko
Alberto Martinez Osasun sailburuak osasun itunaren inguruan duen "baikortasuna" berretsi du, eta prozesu horretan parte hartzen duten eragile guztien "konpromisoa" eskatu du, ostiral honetan akordio bat ixteko.
Espainia "herrialde subiranoa" dela erantzun dio Sanchezek Trumpi, eta muga-zerga "bidegabeak" kritikatu ditu
Pedro Sanchezek NATOren goi-bileran berretsi duenez, Hagan, Espainiak ez du BPGaren % 2,1 baino gehiago gastatuko Defentsan. Trumpek Gobernuarekin merkataritza akordio bat zuzenean negoziatzeko mehatxua egin zuen, eta herrialdeari "bikoitza ordainaraziko" diola esan du, egoera "konpentsatzeko".
Auzitegi Konstituzionalak Amnistia Legea babestu du, magistratu aurrerakoien aldeko botoekin
PPren helegiteari erantzuna emateko bozkatu dute, eta ebazpen-testuak dio Espainiako Konstituzioan amnistiak tokia duela, eta Amnistia Legea ez dela "arbitrarioa", ezta "kapritxoa" ere.
Amnistia Legea "ezarriz gero" PSOEri botorik ez emateko mehatxua egin du Felipe Gonzalezek
Espainiako Gobernuko presidente ohiaren ustez, araua "barrabaskeria" izateaz gain, "lotsagarria" da edozein demokratarentzat. Eskuinaren "argumentarioa erostea" leporatu dio Patxi Lopezek Gonzalezi, eta alderdian zer egiten duen planteatzeko eskatu dio.
Albiste izango da: Amnistia Legearen bozketa, NATOren berrarmatzea eta bero-bolada larunbatetik aurrera
Gaurkoan albiste izango direnen laburpena, bi hitzetan.