Kontsultaren aldeko mozioak Bartzelonan eta beste 600 udaletan
Bartzelonako Udalak eta Kataluniako beste 600 udalek azaroaren 9ko kontsultari babesa emateko mozioak onartu dituzte gaur edo onartuko dituzte datozen orduetan, Kataluniako Udalerrien Elkarteak eta Independentziaren Aldeko Udalerrien Elkarteak jakitera eman dutenez.
CiUk, ICV-EuiAk eta Unitat per Barcelonak (ERC-DCat) aldeko botoa eman dute Bartzelonako Udalean. Horrela, azaroaren 9ko kontsultari babesa eman diote eta galdeketa egiteko beharrezko tresna eta baliabide guztiak errazteko konpromisoa hartu dute.
Proposamenak aldeko 21 boto jaso ditu. 12 zinegotzik, ostera, kontrako botoa eman dute (PPko 9 eta PSCko zuzendaritzaren 3); izan ere, gainerako zinegotzi sozialistek ez dute bozketan parte hartu.
Gainerako udalei dagokienez, Kataluniako Udalerrien Elkarteak (ACM) eta Independentziaren Aldeko Udalerrien Elkarteak (AMI) agiri batean azaldu dutenez, kontsultaren aldeko mozioa datozen orduetan onartu behar dutela baieztatu dute Kataluniako 600 udal baino gehiagok. Hala ere, udal batzuek datozen egunetan ezohiko udalbatzak egingo dituzte mozioa onartzeko.
Independentziaren aldeko banderak Bartzelonako udaletxearen kanpoaldean. Argazkia: EFE
Urriak 4
Udalbatzetako bozketen aktak urriaren 4an emango dizkiote alkateek Generalitateko presidenteari. "Demokrazian Kataluniako alkateen bilerarik handiena izan daiteke", ACMk eta AMIk adierazi dutenez; izan ere, Kataluniako udalen % 65 dira.
Iragan ostiralean onartutako kontsulten legeak eskaintzen duen marko legalari babesa ematen dio mozioaren testuak. Gainera, Kataluniako presidenteari, Parlamentuari eta alderdiei babesa ematen die.
Era berean, norbanakoen askatasuna eta prozesu demokratikoa bermatzeko eskatzen die mozioak udalei. Horretarako, kontsulta egiteko beharrezko tresna eta baliabideak bideratzeko eskatzen die.
Azkenik, "modu aktibo eta baketsuan" kontsultan parte hartzeko deia egiten die mozioak herritarrei.
Zure interesekoa izan daiteke
Poliziaren torturaren zazpi biktimak ekimen judizial bateratu bat abiatu dute, Espainiako Justiziari eskatzeko haien kasuak ikertu ditzala
Espainiako Estatua zazpi kasu horiek ez ikertzeagatik zigortu zuen Estrasburgoko Giza Eskubideen Europako Auzitegiak. Horietako bat Martxelo Otamendi da, Egunkariaren auzian atxilotu zuten, eta torturak salatu zituen kazetariak.
Alkatetzak argituta, Euskal Hirigune Elkargorako lehia irekitzen da orain
Apirilean erabakiko da zein izango den Ipar Euskal Herriko erakunde administratiboaren lehendakari berria. Jean Rene Etchegaray Baionako alkatea izan da 2017tik karguan, baina Iriart zein Etxeleku ere hautagai izan daitezke.
Baionako auzapez izaten jarraituko du Etchegarayk, Blanco estreinatuko da Biarritzen, Etxeleku Kanbon, eta EH Baik babesten duen Horn Bokalen
Orain arteko auzapezek errepikatuko dute Hendaian, Donibane Lohizunen, Azkainen, Maulen eta Beskoitzen. EH Baik Urruña galdu du.
Chivitek, UPNk eta PPk gogor gaitzetsi dute Korrikan ETAren aldeko ikurrak erakustea
Korrika Txantreatik (Iruñea) igaro denean, lekukoa zeramaten bi lagunek ETAko bi presoren argazkiak erakutsi dituzte, eta horrek UPNren, PPren eta Maria Chivite Nafarroako presidentearen haserrea eragin du.
Egiari Zor Fundazioak Pasaiako sarraskiko biktimak omendu ditu, hil zituztenetik 42 urte bete direnean
Estatuko Segurtasun Indarrek Komando Autonomo Antikapitalistetako lau kide hil zituztela 42 urte bete dira gaur, eta horren kariaz Egiari Zor Fundazioak ekitaldia egin du Azpeitian, biktimen jaioterrian, haien lagun eta senideekin batera.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.