Acebesek esan du ez zekiela PPn B kutxa zegoenik
Angel Acebes PPren idazkari nagusi eta ministro ohiak baieztatu egin du epailearen aurrean ez zekiela alderdian B kutxa zegoenik, ez horren dirua Libertad Digital hedabideko akzioak erosteko erabili zenik, bera alor politikoaz arduratzen zelako, ez ekonomikoaz.
Hori izan da Acebesek deklarazioan esandako gauzetako bat, Virginia Lopez Negrete Manos Limpiasen abokatuak adierazi duenez, PPko agintari ohiak Auzitegi Nazionalean deklaratu eta gero.
Acebes urduri agertu da, abokatuaren arabera, eta nabarmendu du alderdian erabat bereizita zeudela alde ekonomikoa eta politikoa, eta bera politikoaz soilik arduratzen zela.
Diruzaina eta idazkari nagusia "kargu erabat independenteak" dira, ez dago bata bestearen menpe, Acebesen hitzetan.
"Bera alor politikoaren buru zenez, eta ez ekonomikoarena, ez zuen inolako erantzukizunik ez ezagutzarik B kutxen inguruan, ez Barcenasek onartutako gainsarien inguruan, ezta gutxiagorik ere Libertad Digitalen akzioen erosketaren gainean", esan du abokatuak.
Acebesek onartu egin du Alberto Recarte Libertad Digital egunkariko presidente ohiarekin bildu zela, eta Recartek kapitala handituko zutela jakinarazi ziola, baina azaldu du jende askok eskatzen zizkiola gauzak.
Acebesek 10:05ean alde egin du Auzitegi Nazionaletik Pablo Ruzen aurrean inputatu gisa deklaratu eta gero, Alderdi Popularreko ustezko B kontabilitateko diruarekin hedabide horren akzioak erosi zituelakoan.
Ordubete inguru deklaratzen izan eta gero, Auzitegi Nazionaletik atera denean, Bankiako preferenteen aurka protestan zegoen talde batek "lapurra" eta "lotsabako" oihukatu dio.
Goiztiarra
Acebes ordubete lehenago heldu da Auzitegi Nazionalera, inputatu gisa deklaratzera. Acebesek Libertad Digital egunkariaren akzioak erosi zituen, ustez, PPren B kutxako dirua erabilita.
Acebes auto gris batean heldu da, eta serio sartu da Auzitegian. Bidegabeko jabetzea leporatzen diote, Libertad Digital egunkariaren kapitala handitzeko operazioan "erantzukizuna izateagatik, operazioaren berri izan eta onartu egin zuelako". Operazioa egiteko dirua Lapuertak eta Barcenasek eman omen zioten, "haien iluntasuna aprobetxatuz".
Horren abokatua, Carlos Aguilar, minutu batzuk lehenago heldu da Auzitegi Nazionalera. Miguel Blesa Caja Madrideko presidente ohiaren abokatua ere bada Aguilar, auzitegi horretan bertan zabalik dagoen auzian.
Ruz PPren ustezko B kontabilitatea ikertzen ari da, Gürtel auziaz bereizitako auzi batean. Epaileak Auzitegi Goreneko doktrina bati heldu zion, bidegabeko jabetzearen aurrean ezer ez egiteagatik "ez-egitezko delitua" egozteko. Ruz epaileak ondorioztatu duenez, Acebesek, alderdiaren bigarrena izanda, Alvaro Lapuerta eta Luis Barcenas diruzain ohiek egindakoa "oztopatzeko eta kontrolatzeko gaitasuna" zuen, baina ez zuen ezer egin.
Bestalde, Alvaro Lapuerta PPko diruzain ohiak eta Antonio Vilela etxegintza arloko enpresaburuak ere deklaratzera deitu ditu Ruzek, azken honek ere akzioak erosi baitzituen. Deklarazioa Auzitegi Nazionalak Madrilgo Goya kalean duen egoitzan egingo dute, Ustelkeriaren kontrako Fiskaltzak hala eskatuta.
Epaileak pertsona gehiago inputatzea erabaki zuen, Polizia Nazionaleko Delinkuentzia Ekonomiko eta Fiskaleko Unitateak egindako txosten batean oinarrituta. Barcenasen B kontabilitatea aztertzen du txosten horrek, 2004 eta 2005 bitartean, eta bertan jasota dago Libertad Digital egunkariaren akzioak erosi izana, 446.100 euroren truke.
Bere diruarekin erosi zituen
Alvaro Lapuerta PPko diruzain ohiak Pablo Ruz epailearen aurrean deklaratu duenez (gutun bidez deklaratu du, osasun arazoak direla-eta ez bertaratzeko eskubideari heldu baitio), Libertad Digital egunkariaren akzioak bere diruarekin erosi zituen, eta inoiz ez du PPren dirua "ezkutatu".
Lapuertak (87 urte) adierazitakoaren arabera, PPren kontulariek guzti-guztia legea betez egin zuten; beraz, alderdiaren B kontabilitatea ukatu du, Efe albiste agentziak zabaldutakoaren arabera.
Dagoeneko hiru aldiz heldu dio Lapuertak ez bertaratzeko eskubideari, eta eskutitz bidez ukatu ditu epaileak leporatzen dizkion akusazioak.
Zure interesekoa izan daiteke
Bilboko aireportuan ere kontrol aleatorioak ezarri dituzte Italiatik datozen bidaiarientzat
Kontrolak goizean zehar egin dituzte Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan gauerdian hasi ziren ausazko muga-kontrolak egiten.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.