'Euskal errealitate nazionala' defendatu du Urkulluk Mexikoko Senatuan
“Euskal errealitate nazionala” defendatu du gaur Iñigo Urkullu lehendakariak Mexikoko Senatuan. “Errealitate nazionalei kokapen egokiagoa bilatu behar die Espainiak oraindik”, adierazi du, Euskadi, Katalunia eta Galiziari erreferentzia eginez. Bestalde, autogobernuan aurrera egiteko “akordio irekia” eskatu du lehendakariak.
Mexikon egiten ari den bidaiaren laugarren egunean, Senatuko Kanpo Harremanetarako batzordean hitz egin du lehendakariak, Ganberako presidenteak saioa abiatu ondoren.
Espainiako Erresuma “errespetatzen” duela adierazi du Luis Miguel Barbosa Mexikoko Senatuko presidenteak, baina Euskadi “eraikitzen ari den nazio etorkizuna” aintzat hartu du.
Urkulluren hitzetan, “errealitate nazional” gisa “aintzat hartzea bilatzen ari da” Euskadi, estatus politiko berri baten bidez. Eskoziaren adibidea “erreferentea” dela esan du Jaurlaritzako buruzagiak. Eskoziako eta Erresuma Batuko gobernuen arteko “akordio politiko” batek “Europako bihotzean” independentziaz galdetzeko erreferenduma egiteko aukera eman zuela goraipatu du Urkulluk.
“ETAren terrorismoa betiko amaitu da” eta bakea lortzeko “aukera historikoa” dagoela azaldu du lehendakariak. Terrorismoaren amaieraren aurrean, Euskadiko egoeraren inguruan galdetu diote Mexikoko senatariek. Euskadiren eskarmentuaz ikasteko aukera planteatu du Senatuak.
"Autokritika"
ETAren terrorismoak “gizartearen haustura” sortu ez duela azpimarratu du Urkulluk, baina alderdi politikoen artean bai. EAJk terrorismoaren aurrean “urteak isilik eman” zituela onartu du lehendakariak, baina ETAren estrategiarekin sekula bat egin ez zuela erantsi du.
Jeltzaleek autokritika “askotan” egin dutela ziurtatu du Urkulluk. Zentzu horretan, iraganaren irakurketa kritikoa egitea eskatu die gainerako alderdi politikoei.
Bakearen Aldeko Koordinakundeak eta Bakea Orain elkarteak, esaterako, ETAren aurkako “herri mugimendua sustatzeko” egindako lana goraipatu du.
Hala ere, egiteko lan asko dagoela ohartarazi du lehendakariak: besteak beste, memorian eta egian sakondu, argitu gabeko atentatuak ikertu eta egindako kaltea onartzen duten ETAko presoak birgizarteratu behar dira, “espetxe politika malguago” batekin, baina “zigorgabetasun barik”.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.