Estatus politiko berri bat aldarrikatu du Urkulluk
Iñigo Urkullu lehendakariak Eusko Jaurlaritzak Euskadirako dituen erronkak zeintzuk diren azaldu ditu Mexikon, hango unibertsitate-irakasleen eta akademikoen aurrean. "Autogobernua" jarri du erdigunean Urkulluk, eta horretarako, "estatus politiko berri bat" aldarrikatu du, "elkarrizketan, negoziazioan eta akordioan" oinarritutakoa. Mexikoko UNAM Unibertsitate Nazionalean egindako mahai-inguru batean eman ditu azalpenok lehendakariak.
"2020. urtea helburu jarrita, Euskadik hazten jarraitu behar du; horregatik, herrialde gisa ditugun erronkei aurre egiteko lanean ari gara: giza garapenaren indizean munduko hiru nagusien artean egotea, pobrezia-tasa % 5etik behera txikitzea, % 6tik beherako langabezia-tasa lortzea, bakea eta bizikidetza indartzea eta Euskadirako egoera politiko berria berrestea", esan du Urkulluk.
Euskal Autonomia Erkidegoaren azken 75 urteotan errepaso historikoa eta politikoa egin du lehendakariak bere hitzaldian. 1936ko Autonomia Estatutuaren onarpena, Gerra Zibila, diktadura eta Gernikako Estutua ekarri ditu gogora. Une politiko horiek guztiek Euskadik zailtasunei aurre egiteko duen gaitasuna agerian uzten dutela nabarmendu du. Halaber, euskal ekonomia etenik gabeko hobetze prozesu batean murgilduta egon izan dela beti esan du.
Garapen iraunkorra
Lehendakariak giza garapen iraunkorraren ereduaren ildo nagusien berri eman du akademikoen. Bere ustez, hiru oinarri ditu: gizarte kohesioa, politika ekonomi suspergarria eta kaudimen-bermea. Hala, euskal babes-sistema nabarmendu du, Euskadin bizi diren pertsona guztiei eskubide eta laguntza berberak bermatzen dizkiela esanaz.
"Eusko Jaurlaritzak diru-sarrerak bermatzeko errenta-sistema ezarri zuen duela 25 urte baino gehiago, eta bizimodu duina ahalbidetzen die pertsona guztiei. Pertsonekiko konpromisoa da gure leloa. Badakigu hala motelago egiten dugula aurrera, baina denok elkarrekin aurrera egitea nahi dugu", adierazi du.
Bakea eta bizikidetza
Bakeari dagokionez, lehendakariak esan du 50 urtean lehen aldiz, indarkeriarik gabeko egoera bizi duela Euskadik. "Hala ere, indarkeriak zauri sakonak utzi ditu gizartean, eta denbora eta erabakia beharko dituzte sendatzeko", adierazi du.
"Gure belaunaldirako erronka garrantzitsutzat eta gure seme-alabei utzi behar diegun ondaretzat jotzen dudan aukera lortzeko konpromisoak hartu behar ditugu", esan du, eta Eusko Jaurlaritzak Bake eta Bizikidetza Plana erabiliko duela horretarako.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.