A9ko galdeketa: 1.255 lokal, 8.000 hautestontzi eta 40.930 boluntario
Azaroaren 9ko kontsulta alternatiboa egiteko azpiegitura prest dute Katalunian. Joan den hilean eman zituen Joana Ortega Kataluniako Gobernuko presidenteordeak prozesu parte-hartzailearen inguruko xehetasun nagusienak; 1.255 lokal zabalduko dituzte Katalunia osoko 942 herritan (orotara, 947 herri daude Katalunian), eta 6.430 parte-hartze gune eta 8.000 boto-kutxa baino gehiago jarriko dituzte. Galdeketan parte hartu nahi duten kataluniarren % 99k euren herritik mugitu gabe eman ahalko dutela botoa nabarmendu du Kataluniako Gobernuak.
Kataluniako herritarrek prozesuan laguntzeko erakutsi duten borondatea ikusita, hasieran pentsatuta zutena baino gune gehiago egokituko dituztela esan zuen Ortegak. 40. 930 pertsonak eman dute izena azaroaren 9ko antolaketa-lanetan laguntzeko. Gobernuak 20.000 lagun behar zituela esan zuen.
Presidenteordearen esanetan, azaroaren 9an parte hartu dezaketen pertsonen unibertsoa 5,4 milioikoa da gutxi gorabehera, eta horiei atzerrian bizi diren katalanak batu behar zaizkie.
16 urtetik gora izan eta Katalunian bizilekua duten herritarrek eman ahalko dute botoa, NAN agiria erakutsita, eta baita atzerritarrak izanik ere Katalunian bizi eta Atzerritarraren Identifikazio-zenbakia duten pertsonek. Atzerrian bizi diren katalanek ere izango dute parte hartzeko aukera. Hala, atzerrian 17 parte-hartze gune zabalduko dira: Berlin, Brusela, Copenhague, Paris, Milan, Londres, Montreal, New York, San Jose, Buenos Aires, Sao Paulo, Bogota, Mexiko hiria, Santiago (Txile), Tokio, Hong Kong eta Sydney.
Nortasun-agiria eskatuko zaie botoa eman nahi dutenei, eta agiri horretan jasota duten helbideari dagokion barrutian emango dute boza. Bakoitzak botoa non eman behar duen jakiteko, Participa14 webgunean egin ahalko da kontsulta, asteazkenetik aurrera. Udaletxeetan eta 012 herritarrak artatzeko telefono zenbakian ere xehetasun guztiak emango dituzte.
Bozketa azaroaren 9an egingo da eta behin-behineko emaitzak hurrengo egunean jakinaraziko dira. Pisuzko arrazoiengatik botoa ematerik ez dutenek alegazioak aurkezteko aukera izango dute, eta onartuz gero, 15 eguneko epea izango dute horretarako.
Boluntarioak
20.000 boluntario eskatu zituen Artur Mas Kataluniako presidenteak, igandeko galdeketaren antolaketan laguntzeko. Urriaren 27an itxi zuten boluntario bezala izena emateko epea, eta denera, 40.930 pertsonek eman dute izena.
Igandean izango duten eginkizunaren arabera boluntario talde ezberdinak osatu dituzte. Planifikazio zehatz bat egin dute, eta datorren iganderako boluntario bakoitzari ordutegi eta gune une jakin bat jarri zaio. NAN agiria eta boluntarioa dela frogatzen duen ziurtagiria (mezu elektronikoa) erakutsi beharko dute.
Inpartzialtasuna bermatzeko, boluntarioei jarrera jakin baten aldeko janzkerarik edota osagarririk ez eramatea eskatu zaie. Boluntario izateagatik ez da ordainsaririk emango eta laneko baimen berezirik ere ez.
Ordutegiak
07:30 – 08:00 Boluntarioek dagokien lekuan egon beharko dute
09:00 Botoa emateko lokalak eta parte-hartze mahaiak zabalduko dira
13:00 Goizeko parte-hartze datuak emango dituzte
20:00 Botoa emateko lokalak eta parte-hartze mahaiak itxiko dira
21:00-22:00 Behin betiko parte-hartze datuak emango dituzte
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.