Eta orain zer?
‘’Eta orain zer?’’ Galdera hori egin didate gaur albistegietako lankideek. “Ba gauza asko” esan diet. Aldagarri ugari jarri daitezke mahai gainean atzokoa ikusita.
Kataluniako herritarrak aipatuz hasi nahi nuke. Politika egin dute herritar hauek eta erakutsi dute oso zaila dela denbora luzean herritarrek eskatzen dutenaren aurka egitea inolako alternatibarik eskaini gabe. Ukazioaren eta ezerezaren politikak ez du balio. Desobedientzia baketsuaren bidetik joan dira boza ematera behin eta berriz debekatua izan ondoren beraiek aldarrikatzen zuten kontsulta. Prozesu parte hartzailea deitu diote azkenik. Eta parte hartu dute! 2.305.290 pertsona, Generalitateak banatu duen azken datuaren arabera. Eskerrak eman dizkie Masek bart. Eskerrak, herritarrei guztiei. Esker berezia prozesu honetan parte hartu duten ia 41.000 boluntarioei.
Kataluniak munduari erakutsi dio bere aldarrikapena zein den: Bere etorkizuna politikoa erabakitzeko eskubidea duela. Europako agendan behintzat kokatu du aldarrikapen hori.
Masek intolerante izatea bizkarreratu zion atzo Espainiako Gobernuari eta hala ere mutu, hura. Espainiako Gobernuaren mututasunak, Kataluniako PPko kideak ere jota utzi ditu. Babesik gabe geratu dira. Herritarren babesik gabe geratzen ari zirela bazekiten orain euren alderdiaren eta gobernuaren babesik gabe.
Pedro Sanchezek dio ulertu duela, badagoela arazo politiko bat Katalunian, baina jarraitu du esanez erreferendumik ezetz. Konstituzioaren aldaketa eskatu dio Rajoyri. Baina erreferendumik ez! Ez dakit beraz, oso ongi ulertu duen. Alderdi Soberanistek dute berriz ere erronka. Oraintxe arte lortu dute gizarte zibileko mugimenduekin batera elkarturik iristea. Azkeneko pitzaduren aurrean, galdeketaren ostean hauteskundeak deitzeko eskatu zioten Masi.
ERCk berretsi egin du eskaera gaur. Hauteskunde konstituziogileak eta kontzentrazio gobernu bat eskatu ditu. Mas txalo artea iritsi da bere alderdira. Ikusiko dugu hauteskundeak deitzen dituen. Nahikoa segurutzat jo dituzte CDCko bileran. Ikusiko dugu.
Mas indartua atera da prozesu honetatik eta ginga atzo gauean jarri zuen bere agerraldiarekin. Gutxitan ikusten dugu Europan berak bezala lau hizkuntzatan paper bakar bat begiratu gabe hitz egiten duen presidentea. Kazetarien galdera guztiak erantzun zituen galderak egitea modaz galduta dagoen honetan. Kazetarien aurrean lezioa eman zuen, beraz hemen zegoen ordezkarien araberako munduaren aurrean ere bai. Ea lortzen duen bere herriak nahi duen prozesu honetan lezio magistrala ematea.
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.