Erkoreka: 'Trebiñuren ekimena posiblea eta bikaina da'
Josu Erkoreka Eusko Jaurlaritzaren bozeramaileak esan duenez, gaur, asteartea, Diputatuen Kongresuan eztabaidatuko duten ekimena (Trebiñu Arabarekin bat egiteko) “posiblea, maila juridikoan akatsik gabea eta aparta da”. Hori dela eta, “koherentzia” eskatu du, “Trebiñu Araba da” Gasteizen ez ezik Madrilen ere defendatzeko.
Erkorekak Eusko Legebiltzarrak onartutako eta arratsaldean Kongresuan eztabaidatzekoa den lege-proposamena izan du hizpide. Proposamenean, Gaztela eta Leongo eta Euskadiko mugak aldatzea eskatu dute, Trebiñu eta Argantzun Araban sartzeko.
Erkorekaren esanetan, ekimena “bestelako aurreikuspen juridiko batzuetan oinarrituta dago”, ez dutelako proposatu leku batek erkidego batekin bat egitea; “probintzien mugak aldatzeaz ari gara”, eta horren eskumena Gorte Nagusiei dagokie.
“Aukera bat da, legezkoa, eta legediaren babes osoa dauka”, azaldu du Erkorekak, eta aukera hori “posiblea, maila juridikoan akatsik gabea eta aparta da”, gaineratu du.
Jaurlaritzaren bozeramailearen esanetan, ekimena Legebiltzarrean adostutako proposamenetik abiatu zen, eta Jaurlaritzaren nahia da Kongresuan aintzat hartzea eta legea egitea.
PPk kontrako jarrera hartuko duela ikusita (hala bada, ekimena oztopatuko luke), “koherentzia” behar-beharrezkoa dela esan du Erkorekak. “Gasteizen ‘Trebiñu Araba da’ esaten badugu, eutsi egin behar diogu horri maila politikoan eta erakunde artean. Beraz, Gasteizen ‘Trebiñu Araba da’ entzuten bada, Madrilen ere entzun behar da”, nabarmendu du.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.