Torres-Dulcek Masen kontra jotzeko egindako proposamena onartu dute
Aretoko Fiskalen Batzordeak Eduardo Torres-Dulce Estatuko fiskal nagusiak Artur Mas Generalitateko presidentearen kontra jotzeko egindako proposamena babestu du, azaroaren 9ko parte-hartze prozesuan, ustez, delituak egin zituelakoan.
Kereila jartzea "ia aho batez" babesten dutela jakinarazi diote Torres-Dulceri.
Fiskalak Torres-Dulcek eskatuta batzartu dira, A-9ren harira kereila jartzeko argudioak azaltzeko. Izan ere, Kataluniako Fiskaltzak uko egin zion Mas auzibidean jartzeari.
Hain zuzen ere, prebarikazioa, funtsak bidegabe erabiltzea, desobedientzia eta ez dagozkien funtzioak bereganatzea egotzi nahi die fiskalburuak Masi, Joana Ortega presidenteordeari eta Irene Rigau Hezkuntza kontseilariari.
Delitu horiek Fiskaltza Nagusiak Kataluniako Fiskaltzari igorri zion zirriborroan jasota zeuden, baina fiskal goren kataluniarrak errefusatu egin zuen kereila aurkeztea.
Agindua errepikatuko dio Kataluniako Fiskaltzari
Fiskalen Batzarren babesa eman eta gero, Torres-Dulcek berretsi egin dio Kataluniako Fiskaltzari Masen aurka kereila jartzeko agindua.
Bi fiskalek baino ez dituzte agertu zalantzak: Pedro Crespo Auzitegi Goreneko fiskala eta Bartolome Vargas Bide Segurtasuneko fiskala.
Erantzunak, berehala
Azaroak 9ko prozesu parte hartzailearen aurka salaketa jartzen badu, Espainia “nazioarte mailan barregarri” geratuko dela ohartarazi du Francesc Homs Generalitateko bozeramaileak.
Ausarta izateko eskatu dio Jordi Turull CiUko presidenteak Torres-Dulceri. Horrela, “juridikoki apaindutako jazarpen politikoan” Kataluniako Parlamentuaren aurka egitea eskatu dio Turullek fiskalburuari, ez bakarrik Mas, Ortega eta Rigauren kontra.
Kataluniako prozesua “kereilen bidez geldiarazten” dela uste dutenak “oker” ari direla ohartarazi du Alfred Bosch ERCko bozeramaileak. Estatuko fiskal nagusiaren kereilak azaroaren 9an bozkatu zuten “milioika” kataluniarren aurka egiten duela adierazi du Boschek.
Maurici Lucena PSCko bozeramailearen ahotan, Estatuko fiskalburuaren erabakia “hanka-sartze larria” da. Eztabaidaren judizializazioak “ez du arazoa konpontzen lagunduko, gauzak okerragotuko ditu”, gaineratu du.
Santi Rodriguez PPCko bozeramailearen hitzetan, zuzenbidezko Estatuan “arauak urratzen dituztenek azkenean ordaintzen dute”. “Espainia zuzenbidezko Estatua izatea eta funtzionatzen” duela demostratzea ospatu du Rodriguezek prentsaurrekoan, Kataluniako Parlamentuan.
Estatuko Fiskaltza Nagusiak Mas, Ortega eta Rigau bakarrik auzipetzea kritikatu du Quin Arrufat CUPeko diputatuak. Arrufaten esanetan, azaroaren 9ko kontsulta ahalbidetu zuten alderdi guztien aurka jotzea “logikoena” litzateke.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.