'Euskal Herria' marka ipiniko dute Gipuzkoako bide seinaleetan
Gipuzkoako Foru Aldundiak eta Udalbiltza Euskal Herriko udal eta udal hautetsien biltzarrak hitzarmena sinatu dute, Udalbiltzak bultzatutako "Euskal Herria-Basque Country" marka bide seinaleetan erabiltzeko.
Guztira, 9 bide seinale jarriko dituzte Gipuzkoako errepide nagusietan: N-1, A-15, AP-8 eta AP-1. A-15 errepidekoak jada jarrita daude, eta gainerako ondorengo egunetan ipiniko dituzte. Helburua Gabonetarako guztiak jarrita izatea da.
Larraitz Ugarte Gipuzkoako Bide Azpiegitura eta Mugikortasun diputatuak eta Mertxe Aizpurua Udalbiltzako presidenteak prentsaurrekoa eskaini dute Donostian, eta bertan ekimenari buruzko xehetasunak eman dituzte. Azaldu dutenez, Gipuzkoako Foru Aldundiak eta Udalbiltzak hitzarmen bat sinatu zuten joan den uztailean eta helburuak euskal herritartasuna bultzatzea eta nazioartean ezagutaraztea dira.
Mertxe Aizpuruak azaldu duenez, Udalbiltzak "Euskal Herriko nortasun grafiko instituzionalaren eskuliburua" argitaratu du eta bertan Euskal Herria aintzat hartzen duen nortasun grafiko bateratu bat erabiltzea proposatzen die Udalei. "Horren helburua da gure nazioa identifikatuko duen marka bat bultzatzea, eta udaletatik gizartearen alor guztietara zabaltzea", gaineratu du.
Bestalde, Larraitz Ugarte foru diputatuak adierazi du Gipuzkoako Foru Aldundiak ikusi zuela "Udalbiltza nazio markaren inguruan egiten ari zen lana oso interesgarria zela eta bat zetorrela Aldundiak, oro har, eta Mugikortasun eta Bide Azpiegitura Departamentuak zehazki, egin nahi duen lanarekin, Euskal Herriaren nazio egitura indartzeko, herrien arteko saretzea lortzeko, euskal herritartasuna bultzatzeko eta nazioartean ezagutarazteko, eta hain zuzen horixe da hitzarmenaren helburua".
Hitzarmenaren bitartez, Gipuzkoako Foru Aldundiak baimena izango du Udalbiltzak bultzatutako nazio marka bide seinaleetan erabiltzeko. Aipaturiko erabilera bi erakundeen artean zehaztuko da, eta elkarlanerako mekanismoak ezarriko dira.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.