Onartu dute Bidegin dirua bidegabe eralgitzeagatik jarritako kereila
Gipuzkoako Diputazioak azaroaren 21ean aurkeztutako kereila kriminala onartu egin du Azpeitiko Lehen Auzialdiko eta Instrukzioko 2. Epaitegiak, eta Bidegiko eta eraikuntza enpresetako hiru arduradun deklaratzera deituko ditu inputatu gisa, foru erakundeak jakinarazi duenez.
Gipuzkoako Aldundiak gogorarazi duenez, AP-1 autopistako Eskoriatza Iparra-Arrasate Iparra (Epele) tartearen eraikuntza lanekin lotutako dokumentuen azterketaren ondoren ikusi zuen Bidegik 2011ko ekaineko likidazioan ordaindutakoa eta gaur egun egiaztatutako kopuruak ez datozela bat.
Hain zuzen, AP-1eko tarte honetan aurkitutako ezberdintasunak (Basagoiti-2 obra soberakin biltegiarekin zuzenean lotutakoak bakarrik kontuan hartuta), 3,4 milioi eurotakoak dira.
Horregatik, Gipuzkoako Foru Aldundiko Diputatuen Kontseiluak likidazio horiek ordaintzeko ziurtagiriak sinatu zituzten hiru pertsonen aurkako kereila kriminala aurkeztu zuen; pertsona horiek Bidegiko, obra zuzendaritzako eta enpresa kontratistako arduradun ohiak dira.
Orain, epaileak kereila horren izapidea onartu du, "kereilan azaldutako gertaerak dokumentuen faltsutzea (publikoak, ofizialak eta ziurtatuak) eta Diru Publikoa Bidegabe Xahutzearen delituen izaera erakusten dutelako". Hori dela eta, Fiskaltzari ere berri emango diola azaltzen du erabakian.
Horrekin batera, epaileak erabaki du inputatu gisa deklaratzera deitzea Bidegiko zuzendari tekniko ohia, obra zuzendari ohia eta Laurena aldi baterako enpresa batasuneko gerente ohia. Lehenengo biek urtarrilaren 29an joan beharko dute epaitegira eta hirugarrenak urtarrilaren 30ean.
Albiste gehiago politika
Nafarroako herri lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina edo Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.