PSE: 'Atzerrian betetako kartzela-zigorrak deskontatu behar dituzte'
Idoia Mendia PSE-EEko idazkari nagusiaren iritziz, Europako beste herrialdeetan betetako kartzela-zigorrak deskontatu behar dizkiete presoei. Mendiak espero du Auzitegi Gorenak "zuzen" interpretatzea EBren erabakia, Estatu espainiarrak, Parot Doktrinarekin ez bezala, errietarik ez jasotzeko.
Gainera, Europa Pressekin izandako elkarrizketa batean, nabarmendu du ez duela ulertzen zergatik Eusko Jaurlaritzak, ETAri desarmearen gainean luzatu dion proposamenarekin, "oxigeno-baloia" ematen dion bandari: "ETAk ez du arrazoirik existitzeko, ezta jarraitzeko ere". EH Bilduk berregin nahi omen duen lur-zoru etikoaren gainean ere hitz egin du, eta EAJri eta EH Bilduri berari eskatu die "agirian dauden hitzak, bidexka politikoak lortzeko asmoarekin, ez bihurritzeko".
PSE-EEko liderraren esanetan, Estatu espainiarrak "denbora luzeegia erabili du" Europar Batasunaren zuzentarauak indarrean sartzeko: "Kontraesanak badaude, Auzitegi Nazionaleko Aretoen artean”, beste herrialdeetan betetako zigorren gainean, "Gobernuak legez kontrakoa izan daitekeen klausula bat sartu duelako da".
Mendiak adierazi du "sen onekoa" ematen duela herrialde batean edo beste batean betetako zigorrak deskontatuak izan ahal izatea, "eremu europar komun batean bagaude, justizia eta segurtasunari dagokionez". Nolanahi ere, zehaztu duenez, "edozein kasutan, auzitegiek hartu beharko dute balizko erabaki hori".
Eusko Jaurlaritzak “oxigeno-baloia eman dio ETAri desarme azkarraren proposamenarekin”
PSE-EEren idazkari nagusiak berriro eskatu dio ETAri behin betiko desagertzea, eta azaldu du, bere iritziz, Eusko Jaurlaritzak "oxigeno-baloia" eman diola ETAri "desarme azkarraren proposamenarekin". Bere esanetan, ETAk ez du arrazoirik existitzeko edo aurrera jarraitzeko: "Banda terrorista desegiten bada, desarmearena bigarren mailako kontua da", gehitu du.
EAEko sozialisten liderrak EAJk eta EH Bilduk izandako elkarrizketen gainean ere hitz egin du. Bi alderdiei "hitzak ez bihurritzeko" eskatu die, "bidexka politikorik" ez ateratzeko deia luzatuta.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.